SUPERBALITA CEBU

'Greatest player' si Fajardo: Erram

GIHULAGWAY sa bag-ong pambatong sentro sa TnT KaTropa ang Sugboanong higante nga si JuneMar Fajardo isip "greatest player" sa Philippine Basketball Association (PBA) nga iyang nailhan.

Si Erram gikuha sa Katropa gikan sa NLEX Road Warriors pinaagi sa three-man trade sa wala pa magsugod ang nahunong nga 2020 season aron aduna sila'y ikaparang sa sinaligang sentro sa San Miguel Beermen.

Gipasabot ni Erram nga dili niya atrasan kining maong obligasyon apan nasayod siya nga tumang kalisod ang iyang maagian.

"Lahat ng mga bata gustong mapantayan yun," matod ni Erram kabahin kang Fajardo nga napatik sa www.pba.ph..

"Pero greatest player siya na nakilala ko."

Alang kang Erram, gisaka sa produkto sa University of Cebu (UC) Webmasters ang barometro sa kapabilidad sa usa ka sentro sa PBA.

Sa miaging walo ka mga tuig gikan sa iyang pagsulod sa PBA, wala'y lubad ang dominasyon sa lumad nga taga lungsod sa Pinamungajan, Cebu.

Ang rekord ni Fajardo magpamatuod niini.

Nakabira na si Fajardo og walo ka mga titulo lakip na niini ang unom ka kampiyunato sa prestihiyusong Philippine Cup conference.

Siya sab ang MVP sa miaging unom ka sunodsunod nga katuigan, three-time Finals MVP, eighth-time Best Player of the Conference, six-time Mythical First Team, five-time All-Defensive Team member, Defensive Player of the Year, ug seven-time All-Star.

"Sa lahat ng big man sa PBA, siya (June Mar) yung barrier kasi siya lang ang six-time MVP. Honestly lahat ng big man we strive hard para maging ka-level niya," dugang ni Erram.

"Pero I think never na mangyayari yun."

Bisan nasayod siyang dili niya mapugngan ang gitawag og "The Kraken" apan gipasalig ni Erram nga buhaton niya ang tanan aron makaparang pa niini. (ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph