SUPERBALITA CEBU

Globe CEO: digitally-powered cities milambo

Globe President, CEO Ernest Cu

TUNGOD sa coronavirus disease 2019 (Covid-19) pandemic, mipaspas ang pagsagop sa digital alternatives sama sa food delivery, online grocer, telemedicine, ug telecommuting.

Ang online jobs usa sa labing pinangita o searched topics atol sa unang duha ka buwan sa enhanced community quarantine (ECQ).

Sumala sa We Are Social April report, ang internet users sa Pilipinas ug ubang nasod mas mitubo ang ilang paggamit sa online.

Sa survey, 57 percent kanila nagkanayon nga mihatag sila karon og panahon sa pagtan-aw sa mga salida ug uban pa sa streaming services, 39% namati og musika sa streaming services, ug 36% migahin og dugang panahon sa mobile apps sa buwan sa Abril lang.

Karon daghan nang kompaniya bisan ginagmay ang namaligya og nagkalainlaing produkto ug serbisyo sa online gikan sa pagkaon ngadto sa sinina, medisina ngadto sa medical consultation, home appliances ngadto sa gym equipment, insurance coverage ug uban pa.

Nakahanas na sa pagbayad pinaagi sa digital sama sa GCash, online order platforms ug on demand delivery services.

Kini naghatag kanato og panglantaw kon unsa ang kinabuhi sa mga dakbayan sa umaabot.

Si Globe president ug CEO Ernest Cu, nagtuo nga ang sayon karon sa pagpaila sa bag-ong teknolohiya tungod sa pag-abli sa mga Filipino sa digitalization tungod sa Covid-19 pandemic.

“I think the cities of the future will be fully powered by digital. Filipinos are becoming more open to trying new things. Opportunities in digital are happening and it’s something that we are also exploring,” matod ni Cu.

Si Cu nagpaabot nga dugang kompaniya ang mosulod sa on-demand services sama sa taxi/car hailing services, online grocery shopping, door-to-door delivery, ug bisan entertainment.

Ang pagkuha sa mga kustomer sa pag-usab sa ilang pamatasan kanunay mao dakong hagit sa Globe sukad sa pagpaila sa smartphones ug pagtanyag sa streaming music ug ang streaming video.

Bisan ang GCash, ang Globe’s e-money product, niabot pa og 15 ka tuig una gidawat isip luwas ug sayon nga pamaagi sa paghimo og transaksiyon sa kuwarta.

Karon, ang Globe nagduso sa telemedicine pinaagi sa KonsultaMD aron pagtabang sa mga tawo nga makakuha og 24/7 medical advice gikan sa licensed doctors nga dili na moadto sa klinika o ospital.

“We will keep introducing new digital concepts to enhance people’s lives. I think the cycle of adoption and appreciation will be much shorter now given the pandemic. In many ways, the health crisis has given digital transformation a much-needed push," matod ni Cu.

Dason niya, "It has been a long process convincing people to adopt digitalization but I think this situation has made them realize that digital does work. It’s not only for millennials or for the young people, it is really for everyone since it provides a certain level of convenience."

Gipasabot niya nga ang digitalization nakasandig sa maayong koneksiyon sa internet.

Samtang, ang Globe nagpadayon sa pagtukod sa iyang infrastructure, dunay panginahanglan sa daghang local government units sa pagpaluag sa ilang polosiya sama sa permitting requirements aron paspas ang pagtukod sa cellular towers ug paglatid sa fiber sa kabalayan.

“We are investing billions of pesos to connect the rest of the public to the digital world to enable things like working and learning from home and yet, there are so many obstacles along the way," dason ni Cu.

Ang Globe milusad sa halapad nga kampanya sa 2020, nangita sa gastohan sa kapin sa P60 billion sa infrastructure alang sa pagpataas sa kapasidad ug network upgrades sa tibuok nasod.

Ang Globe komitado sa paghatag sa nasod sa connectivity nga nasubay sa United Nations Sustainability Goal No. 9 sa inclusive ug sustainable industrialization uban sa innovation ug infrastructure.

Samtang ang pandemic nagpadali sa tawo sa pagdawat sa bag-ong pamaagi, nahimong dinalian sa pikas bahin ang pagtukod sa maayong koneksiyon aron makaapil ug makakuha og benepisyo sa digital economy. (PR)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph