ANG Lungsod sa Daanbantayan nakatala sa ilang ika-16 nga kompirmadong kaso sa coronavirus disease karong Hulyo 6, 2020.
Sa Facebook post sa Muncipality of Daanbantayan ang ika 16 nga pasyente usa ka 29-anyos na babaye nga taga Barangay Tominjao, Daanbantayan.
Nakasinati ang maong pasyente og Influenza- like Illness ug gipaubos sa swab test niadtong July 3, 2020.
Matod usab sa post nga atol sa interview sa maong pasyente mitug-an siya na mitambong siya og usa ka kalihokan sa Bogo City.
Sa pagkakarun ang pasyente anaa na sa isolation facility aron hugot na mamonitor.
Gipasalig usab sa lokal na kagamhanan na padayon ang contact tracing sa mga na direct contact sa maong pasyente.
Giawahag usab nila ang tanan na padayon sa pag sunod sa mga health protocol sama sa pag sulob og face mask, kanunay na pagpanghunaw ug social distancing. (RSR)