SUPERBALITA CEBU

Fire volunteers maoy miresponde sa sunog sa barko

MGA volunteer firefighter ang ningtubag sa alarma sa sunog sa usa ka barko niadtong Lunes, Hulyo 6, 2020, samtang nagdunggo sa Ouano wharf sa Barangay Looc, Mandaue City.

Ang Mandaue City Fire Station nga maoy nakatubag sa tawag sa usa ka Loreto Rodriguez mga alas 9:30 sa buntag nipasa sa alarma ngadto sa firefighter volunteers sa Barangay Cubacub sa mao nga siyudad.

Sugod sa Lunes, Hulyo 6, na-lockdown na ang Mandaue City Fire Station tungod sa kawani nila nga namatay ug nagpositibo sa coronavirus disease (Covid-19).

Sa pakighinabi sa Superbalita Cebu kang Fire Chief Inspector Bernard Batnag Jr., fire marshal sa siyudad, siya niingon nga nipadala usab og team sa firefighters ang Mandaue City Disaster Risk Reduction and Management Office.

Engine room sa usa ka cargo vessel ang nasunog, sigon ni Batnag.

"Wala nakadako ang kayo kay na-contain dayon namo," dugang ni Batnag.

Sa usa ka oras ug tunga nga pakigkombati sa sunog, nakontrolar kini alas 11:05 sa buntag ug gideklarar nga hingpit nga napawong mga alas 11:45 sa buntag.

Walay nataho nga casualty sa sunog.

Sigon ni Batnag nga wala pa nila masuta ang danyos tungod kay nagpadayon pa ang ilang imbestigasyon.

Wa pa sab nila masuta ang hinungdan sa sunog. (KFD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph