SUPERBALITA CEBU

Bombero namatay sa Covid

USA ka miyembro sa Bureau of Fire Protection (BFP) 7 nga anaa madestino sa Mandaue City Fire Station ang kompirmadong namatay sa coronavirus disease (Covid-19).

Samtang gihuwat pa ang resulta sa reverse transcription polymerase chain reaction (RT-PCR) test sa usa ka fire marshal sa lalawigan sa Sugbo nga nakabsan usab sa kinabuhi sa Martes sa kaadlawon, Hulyo 7.

Matod ni BFP 7 Spokesperson for Covid, Fire Chief Inspector Noel Nelson Ababon, nga niabot na sa 39 ka mga personnel sa BFP 7 ang kompirmado nga gi-Covid.

Suspected pa kining fire marshal ug gahuwat pa sila sa resulta sa swab test.

Dugang ni Ababon nga ang personnel sa Mandaue City nakabsan sa kinabuhi niadtong Hulyo 5 hinungdan nga kasamtangan nga gi-lockdown ang Mandaue City Fire Station.

Sa maong mga kaso sa BFP 7, 24 niini ang anaa pa sa isolation centers samtang anaa sa 14 na ang naka-recover ug usa ang patay.

Subay usab niining mga aduna'y positibo nga personnel, aduna'y mga fire station ug substations ang kasamtangan nga gi-lockdown.

Naglakip niini ang Mandaue, Cordova Fire Station, Cebu City Fire Station sa Pahina Central, Parian ug Mabolo fire substation sa dakbayan sa Sugbo.

Alang sa mga fire station nga naka-lockdown, ang silingang mga station ang moresponde kon pananglitan adunay alarma sa sunog.

Nasabutan na kini sa pipila ka mga opisyal, lakip na si Fire Superintendent Fritzie Manatad, Cebu provincial fire marshal.

Sagad sa personnel nga natala nga nagpositibo anaa sa Cebu City Fire Station, samtang nakatala usab og kaso sa Lapu-Lapu City Fire District, Cordova Fire Station, Talisay City Fire Station ug Consolation Fire Station. (HBL, KFD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph