GIDAWAT ni Filipino mixed martial arts (MMA) star Eduard Folayang ang hagit ni ONE lightweight champion Christian Lee sa Singapore nga mag-away sila sa octagon.
Sa labing ulahi niyang interbyu, matod ni Lee nga nakadayeg siya sa abilidad ni Folayang ug gipadayag niya nga andam niyang depensaan ang iyang korona batok sa fighter gikan sa Baguio City.
“I would love to share the ONE circle with Eduard Folayang. I have a lot of respect for all that he’s accomplished in his career, and I think that we could put on a great show for the fans,” matod pa ni Lee nga napatik sa www.gmanews.tv.
Nagkanayon si Folayang nga nakasaksi siya sa pag-umol sa abilidad ni Lee hinungdan nga interesado siyang makig-away niini.
Sayod si Folayang nga dili kini sayon nga tahas apan dili siya moatras ning maong oportunidad. (ESL)