GIKLARO ni boxing legend Oscar De La Hoya nga seryuso siya sa iyang plano nga mobalik og away human sa 12 ka mga tuig nga pagretiro.
Bawon ang 39-6, 30KOs nga rekord, si De La Hoya, 47, miretiro niadtong 2008 human siya misurender sa 8th round sa ilang away ni Filipino boxing icon Manny Pacquiao.
“I’ve been thinking about it (a comeback) more and more each day,” matod ni De La Hoya sa interbyu sa CBS Los Angeles. “I’ve been actually training and actually running. Who knows if it (a fight) will take place at the end of the year or early next year, but I’m getting there. I feel really good.”
Wala gibutyag ni De La Hoya ang mga detalye sa iyang training apan niya, paingon na siyang makig-sparring sa umaabot nga mga adlaw.
“I start sparring in two weeks. Maybe we can have this interview in a couple of weeks. We’ll see how I feel with a black eye,” batbat ni Dela Hoya.
Si De La Hoya, kinsa usa ka Mexican-American, nakadaog og Olympic gold medal niadtong 1992 sa Barcelona, Spain.
Sa iyang pagsaka sa professional rank, usa si De La Hoya sa labing maayong mga boksidor sa iyang panahon. (ESL)