Editoryal: Kwarentina mapaubos na kaha human sa Hulyo 15?

(Editorial Cartoon by Ariel Itumay)
(Editorial Cartoon by Ariel Itumay)

Siyaro og dili makaubos ang status sa kwarentina sa dakbayan sa Sugbo gikan sa pagpabalik sa enhanced community quarantine (ECQ) ngadto na sa modified general community quarantine (MGCQ), usa sa labing ubos nga status sa kuwarentina ug bag-ong normal.

Kini human ang nasudnong kagamhanan, sama sa wala na mosalig sa lokal nga kagamhanan, nagpadala na og team nga nagdumala na karon sa krisis sa Covid-19 sa dakbayan sa Sugbo ug tibuok Kabisay-an.

Si Secretary Roy Cimatu sa Department of Environment and Natural Resources (EDNR) gitudlo ni Presidente Rodrigo Duterte nga overseer sa Inter-Agency Task Force (IATF) sa Visayas.

Gawas kang Cimatu, ania sab ang team ni Bise Presidente Leni Robredo sa pag-abag sa kampanya ug frontliners sa Sugbo.

Dinhi kagahapon, Hulyo 7, si Baguio City Mayor Benjamin Magalong aron pagpaambit sa ilang maayo ug malampusong kampanya batok sa Covid-19.

Gawas sa pagpaambit sa kooperasyon sa katawhan sa Baguio sa lockdown, ilang gipalapdan ang contact tracing para mahibaw-an unsa kalapad ang nataptan sa virus ug masanta kini.

Nakasinati karon ang katawhan sa dakbayan sa Sugbo sa mas hugot nga ECQ ug mas limitado nga palighok uban sa presensiya sa mga sundalo nga nanagpatrolya sa kadalanan labi na sa gabii.

Antuson nato kini, sama sa kasinatian sa Baguio, human hapit na o sumad karon ang Hulyo 15, Miyerkules, ang pagpahibalo sa status sa kwarentina sa dakbayan. Manghinaut kita nga dili na lugwayan ang ECQ.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph