SUPERBALITA CEBU

Ferro: 91 ka pulis pwedeng makuhaan og blood plasma

CEBU. Police Brigadier Gen. Albert Ignatius Ferro, Police Regional Office-Central Visayas (PRO 7) director. (SunStar File)

DUNAY 91 ka mga pulis sa rehiyon nga nangaayo gikan sa coronavirus disease 2019 (Covid-19) ang pwedeng makuhaan og blood plasma.

Si Police Brigadier General Albert Ignatius Ferro, direktor sa Police Regional Office (PRO) 7 niingon nga magpadayon ang ilang kampanya sa pagdonar og blood plasma alang sa Covid-19 patients.

Gibutyag ni Ferro nga niadtong Hunyo 2020 nagsugod sila sa pagdonar, diin duha ka mga pasyente sa Covid-19 nga kritikal ang kahimtang nakapahimulos.

Daling naka-recover ang mao nga mga pasyente sa usa ka pribadong tambalanan sa dakbayan sa Sugbo.

Ang duha nakauli na sa ilang balay.

“Yes, we’ve been doing that for the past one month. Naa na kami na donate-tan duha na naka-recover nga Covid-19 positive nga seriously ill. Kami naghatag. So, duha na nakabalik na sa ilang mga balay. So, tanan naga donate na kami sa plasma convalescent and blood transfusion,” matod ni Ferro.

Usa kini sa pagpasalamat sa PRO 7 nga sa 223 ka mga pulis nga nasakit og Covid-19, 91 na niini ang nangaayo ug makapauli na sa ilang tagsa ka pamilya.

Ang blood plasma dunay anti-bodies nga gituohang magamit sa pagkombate sa Covid-19.

Kuhaon kini gikan sa mga pasyente sa Covid-19 nga negatibo na sa maong sakit.

Bisan tuod kon wa pay lapad nga mga pagtuon nga nagkompirmar nga kini epektibo batok sa Covid-19, gisuwayan gihapon kini sa mga tambalanan ubos sa pagtugot sa Department of Health (DOH) 7.

“Our recovery rate also with the police is 91 na ang atong naka recover and they are volunteer plasma and blood donors for all Covid-19 positive here in Cebu,” dugang ni Ferro.

Nanghinaot ang hepe sa kapulisan sa rehiyon nga daghan ang maluwas nga kinabuhi sa ilang gihimo.

Iyang giawhag usab ang uban nga gikan nagkasakit og Covid-19 nga mohatag usab ngadto sa mga nanginahanglan. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph