SUPERBALITA DAVAO

Delos Reyes: Vaccine, micro-chips ug 666 (Katapusang gula)

Yanong Pagsabot

ANG Emperyo sa Roma nisugod 538 B.C. hangtud 1798 A.D. diin natuman ang tagna nga maga-dumala kini sulod sa 1,200 ka mga tuig sa tibuok kalibutan.

Ang mga gitawag nga Early Christians gilutos ug gipamatay kung dili motuman sa doktrina sa Roma. Atong sublion ang kasaysayan nga si Ferdinand Magellan niabot sa Pilipinas dala ang pagtulun-an niadtong Marso 16, 1521 ug maoy ginaingon sa kadaghanan nga kamatuoran nga namat-an.

Ang pagsimba sa adlaw nga Dominggo, pagsunod sa mandu sa Roma dili sugo sa Ginoo. Ang pagdawat sa mao nga pagtulon-an mao ang pagdawat sa patik o numero sa mananap nga mapintas kay dili kini literal nga numero apan kung kinsa ug unsa ang atong gituman, sugo ba sa Ginoo o sugo ba sa tawo?

Sakit kini nga kamatuoran apan dapat mahibaw-an sa katawhan, tungod ang bisan kinsa nga modawat sa patik sa mananap nga mapintas makahiagom sa kapungot sa Dios.

Gitakda ni Pope Francis ang pagpakigtagbo sa mga pangulo ug representante sa mga nasud didto sa Vatican niadtong Mayo 22, 2020 apan wa mahinayon tungod sa pagkuyanap sa Coronavirus Disease (Covid-19) pandemic.

Usa sa hisgutanan ang kalabot sa pagpatuman sa paghunong sa mga patigayon ug katikaran sa tibuok kalibutan aron mahatagan og pahulay ang kinaiyahan tungod sa isyu sa global warming.

Tumong unta sa meeting ang paghatag sab og panahon sa mga pamilya, apan iyang gilakbitan ang adlaw nga igpapahulay nga alang kuno sa mga Judeo, ang adlaw nga Sabado.

Gidugang sa Pope nga alang sa mga Christians, mopahulay sab sa adlaw nga Dominggo ug isipon nga balaan kini nga adlaw.

Kung nahitabo ang pag-meeting, hayan plastado na ang pagpatuman sa maong balaud apan sama sa panan-awon nga nakita ni Juan Revelador, gipugngan usa ang pagbuhi sa hampak hangtud mahuman ang pagpatik sa mga katawhan sa Dios.

Ang adlaw nga Sabado unya mosunod ang pagpatuman sa pagpugos sa katawhan sa pagdawat sa patik sa mananap nga mapintas, nga gisimbulohan sa pagtuman sa iyang sugo sa tibuok kalibutan.

Akong sublion nga dili literal ang numero nga 666 ang dawaton sa katawhan sama sa gituohan sa uban, maingon nga ang pagtuman sa pagpahulay sa adlaw nga Sabado maoy patik sa Dios sa iyang katawhan.

Kini nga suhito nga atong gitun-an mahimong inyong hinumdoman kay sa labing seguro, kini matuman sa umalabot nga mga adlaw.

Akong panghinaut nga maseguro nato kinsa ang atong ginaalagaran, kung patik sa Ginoo ang atong ginakuptan, duna tay paglaum nga mabanhaw ngadto sa kinabuhing dayon apan kon patik sa anti-Christ, banhawon ka gikan sa lubnganan aron paantuson sa silot sa Ginoo didto sa linaw nga kalayo -- ang ginaingon nga empiyerno.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph