Bata naanod sa baha

Hulagway kuha ni Edgar Fuerzas
Hulagway kuha ni Edgar Fuerzas

COTABATO CITY -- Patay na nga nakaplagan ang batang babaye human maanod sa baha alas 7:05 sa gabii niadtong Martes sa siyudad.

Giila ang biktima nga si Marissa, 2 anyos, ug molupyo sa Barangay Matilak, Mother Kabuntalan, Maguindanao Province.

Sa taho gikan sa Municipal Disaster Risk Reduction and Management Office (MDRRMO) sa Mother Kabuntalan, nasayran nga sayo sa buntag nanglaba ang inahan sa bata daplin sa suba.

Apan migawas sa ilang balay ang bata ug nagdula-dula daplin sa Rio Grande de Mindanao ug aksidente nga nahulog sa tubig nga wala maalinggatan sa inahan.

Tungod sa kusog sa bul-og sa baha, gianod si Marissa ug patay na nga napalgan nga naglutaw-lutaw sa suba didto sa Barangay Kalanganan sa siyudad sa Cotabato.

Nagpasidaan ang mga opisyal sa MDRRMO sa Mother Kabuntalan sa mga ginikanan nga bantayan ang ilang mga anak ug did-an nga maligo sa suba ilabi na nga taas ang lebel sa tubig gumikan sa pagbaha. (Edgar E. Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph