TALIWA sa hulga sa Covid-19, hinayhinay nang nangabot ang mga team sa NBA didto sa Florida nga maoy venue sa ilang nahabilin nga mga duwa.
Ang mga team official sa Orlando Magic niingon nga usa sa ilang mga player nataptan sa maong virus apan wala kini hinganli.
Ang Florida maoy usa sa mga Estado sa Amerika nga maoy labing daghan og kaso sa virus.
Ang mga team nga niabot gilangkoban sa Utah Jazz, Denver Nuggets, Phoenix Suns, Brooklyn Nets, ug Washington Wizards.
Gikatakdang moabot karon mao ang laing 8 ka team ug laing walo ugmang adlawa.
Katapusang adunay duwa sa NBA niadtong Marso 11 dihang nag-anam ug kadaghan ang mga player sa NBA nga gi-Covid.
Sa meeting sa Orange County Task Force, si Alex Martins, ang CEO sa Orlando Magic may labot sa ilang mga plano.
"There will be traveling parties of 35 people total for each of our teams," If the plan works, all teams will be at Disney for at least 5-1/2 weeks and some teams will be there for more than three months. And not everyone in the league has an abundance of optimism that the experiment — involving daily testing, separation from friends and family for weeks if not months, and strict regulations regarding just about everything imaginable at Disney — will be enough to complete the season," padayag ni Martins.
Inig abot sa mga players ug staff, ideretso dayon sila testing room sa Disney Hotel human sila ma-clear sa security sa Florida.
Adunay test nga ipahigayon ang Disney matag adlaw ngadto sa mga players ug staff batok Covid.
Base sa resulta, 25 gilan sa 351 ka mga player sa NBA ang gi-Covid sukad niadtong Hunyo 23.
Sa ilang mga lawak sa Disney, aduna silay madawat nga thermometer, pulse oximeter ug 2 ka optional items, sensor para sa physical distancing ug Oura ring nga maka-monitor sa pagkatulog ug uban nilang kalihukan.
Ang scrimmage pagasugdan karong Hulyo 23 ug sa Hulyo 31 ang pagbalik sa regular season. (PAC)