PAKYAS si Reymond Yanong pagtali og duha ka sunod nga daog human siya gitumba ni American boxer Genaro Gamez niadtong Miyerkoles, Hulyo 8, 2020 (PH Time) didto sa The Bubble sa MGM Grand sa Las Vegas, USA.
Ang 26-anyos nga Amerikano nga si Gamez nagpa-uwan og kumo kang Yanong sa unang hugna sa ilang kombati. Si Yanong naigo og kusog nga right straight sa ulo nga maoy nakapatumba kaniya sa 2:29 mark sa unong round.
Ang lumad nga taga Escalante City, Negros Oriental giiphan sa referee apan wala na kini maka-recover.
Si Gamez kinsa gikan og taas nga pahuway mi improb sa iyang record sa 10-1 nga adunay pito ka KO, samtang si Yanong na hagbong sa 11-6-1 nga baraha.
Sa niaging buwan, si Yanong mikulit og split decision nga kadaugan batok kang Clay Burns didto gihapon sa The Bubble, Las Vegas. Nahurot ang iyang swerte sa dihang gitumba siya ni Gamez.
Duha ka Filipino ang anaa sa The Bubble, uban ni Yanong mao si Mike “Magic” Plania. Si Yanong ug Plania mao lang ang duha ka Filipino boxer ang niaway taliwala sa coronavirus disease (Covid-19) pandemic. (RSC)