SUPERBALITA CEBU

John Osmeña midaug batok Covid

MIDAUG: Malipayon kaayong mikawaykaway si kanhi Toledo City mayor ug kanhi senador John Henry Osmena, 84, sa iyang paggawas sa pribadong tambalanan sa Dakbayan sa Sugbo sa Miyerkules, Hulyo 8, 2020. Si Osmena na-admit sukad niadtong Hunyo 19 tungod sa coronavirus disease (Covid-19). (Gikan sa Facebook post ni Ferliza Contratista)

SI KANHI Toledo City mayor ug senator John Henry Osmeña, 84, naulian na gikan sa coronavirus disease (Covid-19) human sa pagpuyo og 20 ka adlaw sa usa ka pribadong ospital sa Dakbayan sa Sugbo.

Sukwahi kini sa mga hungihong nga gipasa-pasa sa social media niadtong Hunyo nga si Osmeña namatay sa Covid-19.

Sa iyang Facebook post, si Toledo City Community Affairs and Development Officer Ferliza Contratista sa Hulyo 8, 2020, kini nagpakita kang Osmeña nga gi-discharge na gikan sa ospital.

“Senator John Henry Osmeña is now released from his 20 day hospitalization for Covid 19. Cheers and claps by hospital staff as he was sent home,” suwat ni Contratista.

Si Contratista nisuwat usab sa comment section sa iyang post nga si Osmeña wa magsul-ob og shirt nga makita sa hulagway kay ang iyang mga samad, tungod sa bedsores, padung pa maalim.

Matod sa usa ka kasaligang tinubdan nga si Osmeña gi-admit niadtong Hunyo 19 sa pribadong tambalanan human nipakita og mga simtomas sa Covid.

Gikompirmar sa tinubdan nga si Osmeña nigawas sa ospital sa Miyerkules, Hulyo 8, 2020.

Sa Hunyo 29, dunay mga hungihong nga si Osmeña namatay apan gibaraw kini ni Contratista kay ang senador nakigkombate pa sa sakit niadtong higayuna.

Si Osmeña nihatag pag instructions ngadto sa pipila sa iyang staff gikan sa iyang katre sa ospital, matod niya. (JJL, dugang taho ni REV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph