SUPERBALITA CEBU

Magtiayon makaangkas

SUGOD karong adlawa, Hulyo 10, tugotan na pagbalik sa gobyerno ang pag-angkasay sa motorsiklo, apan alang lang sa mga managtiayon.

Gawas nga kinahanglang magsul-ob og mask ug helmet, kinahanglan nga dunay barrier o ali sa tunga tali sa driver ug pasahero ang motorsiklo.

Kini mao ang gipahibawo ni Department of the Interior and Local Government (DILG) Secretary Eduardo Año kagahapon Huwebes, Hulyo 9.

Gawas niini, ang angkas gitugot lang sa mga dapit sa nasod nga ubos na sa general community quarantine (GCQ) ug modified GCQ, di sa dapit ubos sa enhanced community quarantine sama sa Dakbayan sa Sugbo.

“Meron siyang barrier in between the rider at saka passenger. Pagkatapos ay meron din siyang handle sa side nung barrier at lalampas hanggang ulo niya ‘yung barrier para sigurado na walang laway na tatalsik and at the same time kailangan mag wear pa rin ng mask at saka ng crash helmet yung ating passenger at rider,” matod ni Año.

Ang desinyo sa motorsiklo nga giaprobahan sa Inter-Agency Task Force mao ang sama sa kang Gobernador Arturo Yap sa Bohol.

Kinahanglan usab sa magtiayon nga dunay identification (ID) card nga magpakita nga sama sila og apelyedo. Kon managpuyo man, kinahanglan nga sama sila og address.

“Well sa ID naman sigurado pareho ng apelyido. Kung halimbawa naman ay hindi magkapareho ng apelyido mag common-law husband and wife ay meron silang the same address sa ID nila. Kung live-in sila gano’n din the same address din. So there are so many ways para mapatunayan na they are living in the same house,” dugang ni Año.

GIHANGOP

Subay niining maong deklarasyon ni Año, gihangop usab kini ni Land Transportation Office (LTO) 7 Regional Director Victor Caindec, ang ahensiya nga mao’y perming gipasanginlan ug gibirahan kabahin sa susamang hangyo sa publiko sa backriding.

GIHANGOP

Apan maghuwat pa siya sa guidelines nga luwatan sa nasudnong kagamhanan sa pagpatuman niini.

“We welcome this with wide open arms, although we will have to wait for the proper orders from the Central Office. But this is very important for our people to move on for the new normal,” si Caindec nagkanayon.

Niadtong Mayo 2020 miluwat ang Department of Transportation (DOTr) og Omnibus Public Transport Protocols/Guidelines diin nagdumili kini sa backriders sa motorsiklo, “Motorcycles are prohibited from having backride passengers.”

Matod ni Caindec nga wala pa kini gi-bakwi ni DOTr Assistant Secretary Edgar Galvante nga maoy gaisyu kaniadto.

Huwaton usab sa ahensiya kining guidelines sa prototype nga giaprobahan sa National Task Force (NTF) hilabi na nga aduna’y balaod nga nagdili niining modification gawas sa factory design, matod ni Caindec. Nalipay usab ang mga motorista ning mao nga kalamboan.

Si Joher Ardon, presidente sa Max Scooter Club Philippines-Cebu chapter, niingon nga gidungog ang dugay na nilang gipangaliya sanglit ang motorsiklo maoy madalidali gumikan kay way public utility vehicle nga gitugotan nga makapamasahero.

“Good news ni siya para namong mga motorista kay sa pag-aprub ni Secretary Año, dugay na kaayo nang problemaha unya karon gi-aksyonan na sa atong Secretary. apan nakasabot usab kita gumikan sa problema sa Covid,” pasabot ni Ardon.

Iyang giangkon nga maglisod sila hilabi na nga ang ilang mga partner adunay trabaho apan dili makasakay sa motorsiklo. (HBL, PAC, SunStar Philippines)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph