SUPERBALITA DAVAO

Editoryal: Diskriminasyon sa Barangay 23-C

DIHA'Y usa ka post kagahapon sa social media nga sarang anaa ang pagtamay, ang diskriminasyon kay lagi taga Barangay 23-C, Quezon Boulevard Davao City nagpuyo ang nagprenda og alahas sa usa ka pawnshop.

Kay anaa man sa hard lockdown ang Barangay 23-C gumikan sa nagpadayong pagtaas sa kaso sa Coronavirus Disease (Covid-19), walay si bisan usa ang nakagawas.

Nasayran nga nanugo og tawo ang katong taga Barangay 23-C sa iyang pag-umangkon nga anaa nagpuyo sa Barangay 21-C; tanang dokumento gipadala agi'g pagpamatuod nga gisugo kini.

Tumong atong taga Barangay 23-C nga padugangan ang kantidad sa iyang girenda nga alahas, ipasagad kini sa dawat kay ang sobra unya, pamalit og kakulangon sud sa balay samtang lockdown ug ang panginahanglanon sa iyang anak.

Unsang pagka-unsaa, gilayong mibalibad ang taga pawnshop, nahadlok kini mogunit sa mga dokumento kay lagi gikan sa Barangay 23-C, mudo niuli ang gisugo, nanugilon sa hitabo.

Gilayong mipagawas sa gibati ang hintungdan, gipabati niini sa tanan diha sa iyang post ang tumang diskriminasyon.

Sa punto nga wa gigunitan ang mga dokumento, morag di sab maayo, puwede raman unta to maggamit og gloves.

Grabe ang paglikay sa taga pawnshop ug ingon man ang pipila, kay lagi di makita ang kalaban, apan nasobrahan ra, wala gikonsidera ang panginahanglan sa uban.

Sa ingon niini nga sitwasyon, ibutang unta sa lugar ang hinuon nga desisyon, dili ipasaulabi ang tumang diskriminasyon sa uban.

Sa taga Barangay 23-C, ang pag-ampo ang labing gikinahanglan ning mga panahona aron lig-on sa mga pagsulay.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph