MURAG dili na mahitabo ang enhanced community quarantine (ECQ) season 4. Atong masabot gikan kang Department of Environment and Natural Resources (DENR) Secretary Roy Cimatu nga maoy gitudlong overseer sa Covid-19 response nga ang Cebu City mahimo nang ipaubos sa general community quarantine (GCQ) sa umaabot Hulyo 16. Hinuon anaay mga 20 ka barangay ang posibleng ipaubos sa lockdown tungod sa taas nga kaso sa Covid-19. Mao kini gipangayo sa daghang Sugboanon. Mao usab kini ang gihimo sa ubang siyudad sa Metro Manila.
Kanunay usab kini nako nga gisugyot sa akong tulomanun sa telebisyon. Kay alang kanako dili makiangayon ang nahitabo sa siyudad sa Sugbo nga katulo na madeklarar ubos sa ECQ nga diha man lang kadtoy pipila ka mga barangay ug sityo nga daghan og kaso sa coronavirus. Mireklamo ang mga nagpuyo sa barangay nga diyutay ra kaayo nga nataptan sa maong sakit. Daghang nanghinaut nga unta mahinayon na ang pag-downgrade sa Cebu City ngadto sa GCQ.
* * *
Kumusta na man ang ordinansahon sa Lapu-Lapu City nga naghatag og katungod sa ilang mga molupyo nga manakop sa mga tawo nga mosupak sa mga protocol batok sa Covid-19 labi na ang dili pagsul-ob og maskara gamit ang citizen’s arrest. Ang madakpan sa ikatulong higayon pamultahon og P3,000. Katunga niining maong kantidad maadto sa nakadakop.
Karon pa man gud ko masayud nga ang citizen’s arrest nga nasubay naman unta sa balaud, gihimo pa gayud nga ordinansa aron pagbatok sa mga di mutoman sa mga protocol. Daghan man gud ang ma-interes nga mga molupyo sa Lapu-Lapu sa pagpanakop kay dako kining kwarta alang kanila.
* * *
Hayag na tugotan ang pagpa-angkas sa motorsiklo. Sumala pa sa mga opisyal sa Inter-Agency Task Force (IATF) on the Management of Emerging Infectious Diseases nga “approved in principle” na ang disenyo nga girekomendar ni Bohol Gov. Arthur Yap. Kon maaprubahan, ang angkas ug driver aduna nay babag aron dili na sila magkasaghiray. Ang gipaabut na lang mao ang guidelines gikan sa Department of Transportation (DOTr) ug sa National Task Force (NTF) batok sa Covid-19. Wa pa gayud hinuon masayri kon makahimo ba niini ang mga habal-habal nga de-pasaheru-an. Kon matugotan na ang angkas sa mga motorsiklo, ang gipaabut na lang sa mga pasahero nga makadagan na ang naandang mga PUJ.
Didto sa Metro Manila nakadagan na ang mga PUJ nga makapasar sa inspection. Hinaut pang mao usab kini ang mahitabo dinhi sa Sugbo kay kulang kaayo og sakyanan labi na gayud og maubos na kini sa modified general communty quarantine (MGCQ).
Nagtuo ako kaniadto nga matuman na gayud ang modernization program sa gobiyerno kalabut sa transportasyon. Apan tingalig gikonsiderar sa gobiyerno ang kalisud karon sa trabaho. Ubos sa gitawag og new normal wala pa tingali kinahanglana ang pagpatuman sa modernization program kay naglisud pa ang (mannyrabacal1144@gmail.com)