Slaughter dawaton sa Gilas team

GIHANGOP sa Samahang Basketbol ng Pilipinas (SBP) ang intensyon ni Greg Slaughter nga makabaton og puwesto sa Gilas Pilipinas nga mokombati sa 2023 Fiba Basketball World Cup diin usa ang Pilipinas sa mga mo-host kauban ang Indonesia ug Japan.

Alang kang SBP director for operations nga ang presensya sa 7-footer nga Fil-Am sa ilawom nga bahin gikinahanglan sa Gilas Pilipinas aron makaparang sa higanteng puwersa sa ubang mga nasod.

“He’s qualified to play for our (national) team,” matod ni Antonio kabahin sa sentro sa Brgy. Ginebra Gin Kings nga napatik sa Spin.ph.

Ang 32 anyos nga higante kasamtangang nagpabaid og maayo sa iyang abilidad alang sa iyang tinguha nga makailog pagbalik og luna sa Gilas Pilipinas.

Dili pa lang dugay, gipadayag sa produkto sa University of the Visayas (UV) Green Lancers nga sukad pa kaniadto, prayoridad niya ang makarepresentar sa nasod hilabi na sa Fiba Basketball World Cup.

Ning panahon sa pandemya, si Slaughter hugtanong nag-training ubos sa pagiya ni Gary Boyson sa DME Sports Academy sa Daytona Beach, Florida sa tinguha nga mapalambo pa niya ang iyang abilidad.

Nagkanayon si SBP special assistant to the president Ryan Gregorio nga ang gitas-on ug gidak-on ni Slaughter makatabang og dako sa kampanya sa Gilas Pilipinas.

“That’s definitely a great development. The height of Greg would obviously be an important addition to our national team,” asoy ni Gregorio.

“You just do not get that 7-footer out of nowhere.”

Hinuon giklaro ni Gregorio nga ang pagsulod ni Slaughter sa Gilas Pilipinas nagdepende ra sa desisyon sa coaching staff.

“Nasa mga coaches na yan if he will be invited to be part of the pool,” matod ni Antonio.

Nanghinaot si Gregorio nga mapilian si Slaughter sa coaching staff sa Gilas Pilipinas nga sa iyang tan-aw, mao gyud ang mahitabo.

“He has signified his intention to play. If he is available for that particular spot, then the coaches decide if there is a space for him,” asoy ni Gregrogio.

“Of course by all means, we will embrace him.”

Sa laing bahin, ang SBP padayong nangandam sa pag-host sa nasod sa 2023 Fiba Basketball World Cup taliwala sa padayong hulga sa coronavirus disease 2019 (Covid-19).

Asoy ni SBP executive Renauld Barrios nga padayon ang ilang pagpakighugpong sa Japan ug Indonesia aron ihan-ay ang tanan nilang angayang pagabuhaton aron mahapsay ang pagpadagan sa prestihiyusog torneyo.

Matod ni Barrios nga pagpakita sa World Cup 2023 logo ug qualifiers draw ceremony gilaumang mapahigayon ning tuiga.

“’Yan ang isa sa mga maagang topics,” batbat ni Barrios. “’Yun ngang logo, meron na kaming napili but still confidential. May napili na ang tatlong bayan but subject to the formal approval by the Fiba Central Board.” (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph