ATONG pakisayran ang kina-uyokan nga bahin nga miresulta niining nasinate nga pandemic aron atong masabtan ingon man ang epektibo nga paagi sa pagsumpo sa pagkuyanap sa coronavirus disease sa tuyo nga mabalik sa naandan ang kinabuhi sa kinabag-an.
Base sa gihimong pagtuon sa Johns Hopkins Hospital naila nga biomedical research facility nga nagbase sa Maryland didto sa Amerika.
Nasuta nga ang Covid-19 virus dili usa ka living organism, apan usa ka protein molecule nga naputos sa lipid (fat) ug sa higayon nga mosulod ngadto sa cell sa usa ka tawo pinaagi diha sa mata, ilong, baba mamahimo kining isog ug dali sab nga modaghan.
Kasayuran
Tungod kay dili kini living organism apan usa ka protein molecule dili kini sayon patyon, apan mahanaw lang kini og iyaha apan magdepende sa temperatura, ka-initon ug sa matang sa dapit o lugar diin mitugpa ang virus.
Gihulagway nga “fragile” protein molecule nga naputos sa tambok hinungdan nga ang sabon o detergent maoy labing epektibo panagang.
“The foam CUTS THE FAT. (That is why you have to scrub for 20 seconds or more, to create lots of foam),” tipik sa pagtuon sa John’s Hopkins.
Sa maong paagi, matunaw ang nagputos nga tambok (fat) hangtod nga mawala ang maong protein molecule.
Ang kainiton makalanay sa tambok, rason nga mas bintaha nga ang tubig nga ipanghugas init-init nga dili sab makapaso sa panit ug pagsagol sa maong tubig og detergent nga sabon.
Ang init-init nga tubig makagmugna og daghang buwa sa sabon.
Samtang ang alcohol o adunay sagul nga alcohol nga kapin sa 65 percent makalanay sab sa tambok sa maong virus.
Ang pagsagol sa 1 part nga bleach ug 5 parts nga tubig makalanay sa protein hangtod nga kini mabungkag.
Laing epektibo nga paagi mao paggamit og oxygenated water dunganan sa paggamit sa sabon, alcohol ug chlorine tungod kay ang peroxide makapatay sa virus protein.
Dili sab maayo nga mogamit og pure solution niini, kay makadaot sa panit sa tawo.
Ultra violet (UV) light makabungkag sab sa virus apan angayang hinumduman nga makalanay sab kini sa collagen usa ka matang sa protein diha sa panit.
Di mao
Dili mosalir ang bactericide o antibiotic sa pagtangtang sa virus kay matod pa ang antibodies dili makapatay sa butang nga dili buhi, “virus is not a living organism.”
Way ikatabang ang suka o ang mga ilimnong makahubog ilabi na ang vodka ilabi na niadtong adunay 40 percent paubos nga alcohol content sa pagkigbatok sa maong virus.
Apan ang mouthwash sama sa Listerine adunay 65 percent alcohol nga maayo sab gamiton sa oral hygiene.
Pahinumdum
Ang kanunayng pagpanghugas sa dili pa ug inig human og hikap sa butang nga kanunayng kuptan sa kadaghanan usa sa makapanalipod sa tawo sa maong makatakod nga virus.
Apan inig human og hugas sa kamot mas bintaha nga mogamit og moisturizer ilabi na nga ang kanunayng pagpanghugas maka-uga sa panit ug magsilbing agi-anan sa molecules kadtong minor crack sa panit.
“The thicker the moisturizer, the better. The virus cannot go through healthy skin,” matod sa Johns Hopskin.
Laing panihumdum nga kanunayon nga putlan ang kuko aron paglikay nga mosuksok ang virus.