WALA nakaapekto ang hulga sa coronavirus disease 2019 (Covid-19) sa kahinam sa Philippine Azkals nga mokombati sa 2020 AFF Suzuki Cup nga ipahigayon sa ulahing bahin ning tuiga.
Mao kini ang gipaneguro ni team manager Dan Palami. Hinuon giangkon ni Palami nga naapektuhan sa pandemya ang ilang preparasyon alang sa matag duha ka mga tuig nga kompetisyon.
Niadtong 2018, ang Azkals nakaabot sa semi-finals diin napilde sila sa Vietnam nga maoy nahimong kampiyon sa kompetisyon.
“I think based on the conversations that we have with the players, I think winning is still the first thing on their mind,” matod ni Palami nga napatik sa www.abs-cbnnews.com.
Ang torneyo nakaeskedyul nga sugdan karong Nobiyembre 23, 2020 apan nagdepende kini sa hulga sa Covid-19. (ESL)