Kompleto na ang NBA teams sa Orlando

NANGABOT na ang tanang 22 ka teams sa Walt Disney World Resort sa Orlando, Florida alang sa pagbalik sa aksyon sa National Basketball Association (NBA) sugod karong Hulyo 30, 2020.

Ang katapusang walo ka teams nga naglakip sa Western Conference leader Los Angeles Lakers ug Philadelphia 76ers ming-abot kagahapon.

Si Lakers superstar Lebron James nikomemtaryo ug nanamilit sa iyang pamilya gumikan kay taas-taas nga panahon siyang magpuyo sulod sa Walt Disney World Resort aron tiwason ang 2019-20 season.

Ang superstar sab sa 76ers nga si Joel Embiid, kinsa supak ning maong pamaagi sa pagbalik sa NBA, miabot nga kompleto sa personal protective equipment (PPE) suit.

“Just left the crib to head to the bubble. ... Hated to leave the (hashtag)JamesGang,” post ni James sa iyang Twitter account.

Ang laing team nga miabot kagahapon sa Disney campus mao ang NBA defending champion Toronto Raptors, nga nagbiyahe og duha ka oras sakay sa bus gikan sa Naples, Florida diin nagpahigayon sila og training sulod sa duha ka semana.

Ang bus nga gisakyan sa Raptors adunay logo sa ilang team ug adunay nakaprinta sa matag kilid nga “Black Lives Matter” isip pagpadayag sa ilang pagsupak sa racism.

Nagsugod na sab kagahapon ang praktis sa teams sa Disney complex diin ang Orlando Magic maoy labing unang ningsagubang.

Ang tanang mga magduduwa sa Magic nakitaan og tumang kahidlaw sa ilang pamay-ong gumikan kay upat na sab ka mga buwan ang nakalabay gikan sa pagkahunong sa liga.

“It’s great to be back after four months,” matod sa usa sa mga pambato sa Magic nga si Nikola Vucevic. “We all missed it.”

Karong Dominggo, gibanabanang makapraktis na ang tanang teams.

Ningsunod pagpraktis kagahapon ang Brooklyn Nets, Utah Jazz, Washington Wizards ug Phoenix Suns.

“It just felt good to be back on the floor,” asoy ni Brooklyn interim coach Jacque Vaughn.

“I think that was the most exciting thing. We got a little conditioning underneath us. Didn’t go too hard after the quarantine, wanted to get guys to just run up and down a little bit and feel the ball again.”

Ang teams nga unang nangabot maghuwat pa og duha ka mga adlaw una kini makamak sa rectangle nga korte.

Kadaghanan sa mga magduduwa nagpalabay sa oras pinaagi sa pagduwa og video games.

“For the most part, everything has been pretty good in my opinion,” batbat ni Nets guard Joe Harris. “They’ve done a good job taking care of us and making sure to accommodate us in every area as much as possible.”

Ning maong mga kalambuan, mas ningtul-id ang dalan nga gisubay sa NBA paingon sa ilang pagbalik taliwala ning padayong hulga sa coronavirus disease 2019 (Covid-19).(AP, ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph