PADAYONG gitun-an sa Samahang Basketbol ng Pilipinas (SBP) ang mga kandidato sa naturalization process alang sa men’s basketball program sa nasod.
Gikonsiderar nga lig-ong mga kandidato ning maong proseso mao sila si Barangay Ginebra Gin Kings import Justin Brownlee ug Ateneo de Manila University (AdMU) Blue Eales student-athlete Ange Kouame sa Ivory Coast.
“Sa pagkakaalam ko, wala pa tayong napa-file na bills on naturalization right now,” matod ni SBP director of operations Butch Antonio nga napatik sa Spin.ph.
"We’re still assessing kung sino dapat talaga ang dapat nating maging candidates for naturalization.”
Si SBP president Al Panlilio mibutyag nang daan niadtong pang Enero, 2020 nga dili na kuhaon pagbalik sa Gilas Pilipinas ang taodtaod na sab nga naturalized player niini nga si Andray Blatche.
Si Blatche maoy kaabag sa Gilas Pilipinas sa 2014 ug 2019 nga mga edisyon sa FIBA Basketball World Cup.
Ang gihimo sa SBP mao ang pagporma og naturalized players pool nga ilahang pilian kon kinsa ang angayan niining gamiton alang sa usa ka interntional event.
Niadtong sab Enero, 2020, si Antipolo Representative Robbie Puno misugyot sa House of Representatives nga himuong naturalized player si Kouame.
Ang import sa San Miguel Beermen nga si Chris McCullough nipadayag sab sa iyang intensyon nga magpa-naturalize alang sa kampanya sa Gilas Pilipinas.
“It’s the coaching staff that will determine what kind of talent we will be needing. “Depende pa ‘yan... hindi lang naman si Justin Brownlee ang tinitingnan ng ating SBP.”(ESL)