MAPASALAMATON ang Philippine Sports Commission (PSC) kay 100 porsiyento sa ilang mga trabahante nga gipaubos sa coronavirus disease (Covid-19) swab test nag-negatibo sa SARS-CoV-2, ang bayrus nga hinungdan sa Covid-19.
Ang PSC mimando sa ilang mga personnel lakip na ang national athletes nga mopaubos sa Reverse Transcription Polymerase Chain Reaction (RT-PCR) test o swab testing para maseguro ang kaluwasan sa tanan.
Moabot ngadto sa 200 ka mga tawo ang gipa-swab test sa PSC niadtong miaging semana.
“We are thankful to the Lord that the PSC community is free from Covid-19. We hope and pray it stays that way,” matod ni PSC overall-in-charge Ramon Fernandez.
Ang 19-time PBA champion nga si Fernandez usa pud sa gipaubos sa swab test pag-abot niya sa Maynila gikan sa Cebu City diin adunay taas nga kaso sa Covid-19 ug gipaubos pa karon sa enhanced community quarantine.
Ang PSC mipahigayon og RT-PCR tests sa 112 ka PSC staff, national team members sa Rizal Memorial Sports Complex (RMSC) sa Maynila ug laing 88 sa PhilSports Complex sa Pasig City. Ang tests gipa-agi og tulo ka mga grupo.
“We are proud to say that both PSC complexes, which are under a high-risk area since we have venues housing Covid-19 patients, can be declared Covid-19 free. We conducted the test to give the confidence back to the regular workforce, occupants, athletes, and coaches who frequently go to PhilSports and RMSC,” matod ni Dr. Randolph Molo, kinsa maoy nangulo sa PSC Medical Scientific Athletes Services Unit.
“We opted for the RT-PCR/swab test over any form of rapid testing since this test is more reliable and reflective on one’s Covid-19 status. As of Wednesday, July 8, we can declare that all of the 200 persons who underwent testing are all clear/negative from the coronavirus. This should help restore the confidence and ease the fears of our staff as we continue to keep PSC Covid-19 free,” dugang ni Dr. Molo.
Ang Sugbuanong si Fernandez maoy nangulo sa PSC samtang si chairman William Ramirez naka-leave.