Pipila na ka buwan ang milabay unya ang kanunay ug balikbalik nga makita, mabasa o madungog puro ra gihapon mahitungod sa Covid-19 maong ang uban nangabungod ug nangapul-an na busa karon magpalain usa ta og tukion.
Diay mga impormasyong mga akong nakuykuyan nga makatabang og makadungag sa kahibalo.
Kahibaw ka ba nga kining uwan dunay Bitamina 12? Mao kini rason nganong ang mga bata kanidto pasagdan ra nga magdagan-dagan, mangaligo sa uwan bisag nagtiniil pa. Pwera-buyag wa man sab mangasakit itandi karon nga mauwanan ra og gamay o matun-ugan, hilanaton dayon.
Kini sang Pineapple juice ka limaon ka epektibo kaysa syrup para sa ubo kay taas kini og Bitamina C. Gani, bisag de lata nga pineapple juice makapugong sa kumon nga sip-on ug flu unya makapawala sab kini sa langsa ug bidli nga baho sa kinaon.
Duna say mga pagkaon nga dako og matabang paglimpyo sa atay. Sa sunod nimong adto sa merkado o tabuan, ayaw kalimot pagpalit ining mosunod nga mga lamas, utanon ug prutas: cabbage, cauliflower, broccoli, lemon, grapefruit, carrots, mansanas , turmeric, ahos, og green tea.
Kung nag diet ka, lanlana ang carrots o ba kaha himoa kining juice kay wa kini bisag gamay nga tambok (zero fats).
Kini sang mosunod nga mga pagkaona dunay natural nga mga gamhanang antibiotics para tambal: sibuyas bombay, ahos, natural nga dugos (honey), turmeric, luy-a, apple cider vinegar, og oregano nga oil. Anara imong kaugalingon pagkaon ini og kung mahimo isagol sa pagluto sa imong mga putahi.
Kining sang uga nga tea bag (sta) bisag ginamit na ayaw ilabay ky makatabang kini pawala sa baho. Pananglitan kung ang sapatos nanimaho na tantong sul-ob, mahimo kining ibutang sa sulod kay suyupon man ini ang isog nga baho.
Ang pagkaon og chocolate o sima-sima og nuts samtang magtuon makatang sab pag boost sa memory kay makapabilin man kini sa impormasyon nga gitun-an basta di lang sab pasubrahan.
Sunod semana atong pun-an og tuki ang ubang pagkaon nga makapawala sa sakit-sakit.