GIBASURA sa committee on legislative franchises sa Ubos Balay-Balauranan subay sa resulta sa botasyon nga 70-11 diin wala matugot sa aplikasyon sa ABS-CBN Corporation alang sa bag-ong 25-year franchise, Biyernes, Hulyo 10, 2020.
Ang komitiba nibotar subay sa rekomendasyon sa technical working group (TWG) nga gitahasan sa pagtuon sa aplikasyon sa network human sa 12 ka marathon hearings.
Ang grupo, gilangkoban ni Rep. Pablo John Garcia (Cebu, 3rd district), Camiguin Rep. Xavier Jesus Romualdo ug Marikina Rep. Stella Quimbo, nirekomendar sa aplikasyon nga ibasura subay a mga mosunod:
• ang American citizenship ug kadudahan nga Filipino citizenship ug allegiance sa Pilipinas sa ABS-CBN chairman emeritus Eugenio “Gabby” Lopez III;
• posible nga nakalapas ang ABS-CBN’sa constitutional prohibition batok sa ownership ug management sa mass media sa mga langyaw;
• daghang kalapasan sa ABS-CBN sa termino sa ilang legislative franchise;
• kwestiyonable ug dili makiangayon, dili ba kaha immoral, tax avoidance schemes;
• giingong paggamit og dummy;
• ug dili maayong labor practices.
“The TWG determined that the likely consensus among members of this committee was to disapprove the application of ABS-CBN for another franchise,” matod ni Garcia.
Si Quimbo nisupak.
Ang TWG nipasalig nga ang ABS-CBN’s franchise application nga “is in no way related to the freedom of the press”. It stressed that the grant of a legislative franchise is “a mere privilege and never a matter of right.”
“It is what it is - a denial of a privilege granted by the State because the applicant was seen as undeserving of the grant of a legislative franchise,” sumala sa grupo.
“By no means can this franchise application be related to press freedom. If it were so, than all applicants for legislative franchise covering mass media could simply claim such freedom and force the hand of this committee each time,” dason sa grupo.
Ang 70 ka mga magbabalaud niboto og “yes” sa TWG recommendation samtang 11 lang “no.”
Ang TWG nirekomendar usab nga ang House hugot nga mohimo sa iyang general congressional oversight functions bahin sa legislative franchises ug mohimo og pagkisusi sa naandan nga pagluwat og Philippine Depositary Receipts sa mga industriya nga hingpit gipanag-iya ug gidumala sa Filipinos ug uban pa.
Ang ABS-CBN nawala sa kahanginan niadtong Mayo 4, 2020 sa pagtuman sa cease and desist order gikan sa National Telecommunications Commission (NTC), kinsa niluwat og expiration sa iyang 25-year franchise.
Ang mando nagdili sa network sa paggamit sa kahinganan sa iyang AM ug FM radio stations, TV stations, ug digital terrestrial television (DTTB). / Jove Moya, SunStar Philippines