BISAN gipaubos na sa modified general community quarantine (MGCQ) ang Probinsya sa Sugbo, ang kapulisan di pa gihapon moluag sa ilang pagbantay sa mga border quarantine checkpoints sa matag lungsod.
Pagsul-ob og facemask, social distancing ug pagdili sa mass gathering hugot pang ipatuman sa kapulisan.
Napanglantawan sa kapulisan nga mobukas na ang mga establisemento ning pagpaubos na sa MGCQ sa probinsya.
Apan matod ni Police Colonel Roderick Mariano, hepe sa Cebu Police Provincial Office (CPPO) nga magpadayon gihapon ang ilang hugot nga pagbantay sa border checkpoints sa kalungsuran tungod kay naa pa ang problema sa coronavirus disease (Covid-19).
WA PA MAHUMAN
Hinuon gipasabot niya nga ilang sundon kon unsa man ang nalatid nga lagda sa Inter-Agency Task Force for the Management of Emerging Infectious Disease sa pag down grade na ngadto sa mas luag nga community quarantine.
“Sa atin, susundin natin kung ano yung nakasaad sa IATF guidelines about sa modified GCQ. Alam natin na luluwag but hindi pa naman kami nag da-downgrade ng aming QCPs. Nandoon parin kami yung quarantine patrol namin at all violators pa rin na hindi naman dapat na gagawin ay mag aano pa rin kami ng recorida. Alam mo hindi pa tapos yung problema natin sa Covid eh kaya kailangan parin nating gawin yun,” matod ni Mariano.
Dugang ni Mariano nga mahimong mobukas na usab ang tourist destinations sa probinsya sa mosunod nga mga semana, apan ila na kining gipangandaman uban ang Kagamhanan sa Lalawigan sa Sugbo.
Matod niya nga ang mga sakop sa Tourist Police uban sa mga local nga kagamhanan sa lungsod ang magsilbing safety and health officer ug ang tanang protocol ilang ipatuman.
“Talagang mahigpit na ipatutupad yung mga health standard and minimum health protocol natin. So, ang ating mga kapulisan ngayon lalong lalo na yung ating tourist police ay magiging active sa ano na yan, maybe sila ngayon yung magiging ating safety and health officer sa area yung mga tourist destination,” dugang ni Mariano.
Gidili pa usab ang mga kalihukan sa fiesta sa kalungsuran diin nasayod na ang tanang mayor aron kalikayan ang panagtapok sa daghang mga tawo.
Gipahibawo usab sa CCPO director nga kadtong moagi sa mga border checkpoint aron moadto sa laing lungsod mopakita lang sa ilang identification aron masayran kon asa sila nag puyo.
Gipangtugotan naman tuod nga maka balik sa ilang operation ang mga kan-anan, apan kinahanglan nga ipatuman ang social distancing nga monitoron uban sa lokal nga kagamhanan sa lungsod. (AYB)