SUPERBALITA CEBU

'NPA official' nga taga Cebu nadakpan sa Negros Occ.

USA sa upat ka giingong tag-as nga mga opisyal sa mga rebeldeng New People's Army nga nasikop sa Philippine Army sa Negros Occidental sa kaadlawon sa Biyernes, Hulyo 10, taga Sugbo.

Ang suspek giila nga si Emmylo Cañares, alyas Sid ug Drey, 38, lumad nga taga South Poblacion, lungsod sa San Fernando Cebu.

Sila si Cañares ug mga kauban nasikop sa gihimong follow up operation sa mga sakop sa 15th Infantry Battalion uban sa kapulisan sa Negros Occidental sa sitio Mamposo, Barangay Magballo, Dakbayan sa Kabankalan niadtong Biyernes, Hulyo 10.

Si Cañares gitumbok sa 15th IB nga maoy kanhi finance officer sa Bohol party committee ug kasamtangan nga secretary sa second national urban center party sa NPA.

Laing nadakpan mao sila si George Buga-ay, alyas Samantha ug Alexa, 42, taga barangay Orong, Kabankalan City; Relyn Morena, alyas Sam, 22, taga Barangay Orong, Kabankalan City ug si Raffy Patajo, alyas Paolo, 21, taga sityo Montelo, Barangay Pinggot Ilog, Kabankalan City.

Si Buga-ay giingong kanhi squad leader ug finance logistics officer sa regional strike forces sa kilusang rehiyon Negros, kanhi secretary general sa Pamalakaya-Negros ug kasamtangang regional communication sa kilusang rehiyon Negros.

Si Morena giiingong kasamtangan nga regional communication staff sa NPA.

Si Patajo giingong kanhi squad finance logistics officer sa platoon 3 ug squad leader sa platoon 2 sa southwest front kilusang rehiyon Negros ug regional communication staff.

Matod ni Army Captain Cenon Pancito, information officer sa 3rd Infantry Division sa Philippine Army, nga ang pagkasikop kabahin sa ilang intelligence ug follow up operation uban ang kapulisan sa Negros Occidental human sa engkwentro niadtong Hulyo 8 tali sa mga sundawo ug mga rebelde sa maong dakbayan.

“Kining pag-apprehend sa ila, it was a product of the joint intelligence operation pagkatapos sa kadtong naa tay encounter kadtong July 8 between the government troops at saka itong mga communist terrorists,” matod ni Pancito.

Nakuha gikan sa mga suspek ang usa ka kalibre .45 nga pistola; usa ka .38 kalibreng revolver nga dunay lima ka mga bala; upat ka mga hand grenade; cash nga Php119,354; mga cell phone ug charger; mga USB; subversive documents ug personal nga mga butang.

Matod sa commanding officer sa 15th Infantry Brigade Lieutenant Colonel Erwin Cariño nga magpadayon ang ilang counter terrorism ug insurgency operations sa Negros Island aron makab-ot ang kalinaw sa katawhan nga namuyo sa probinsya.

Giingong dako kini og epekto sa NPA ang pagkasikop sa upat.

“Their arrest is a major setback to the CPP-NPA-NDF terrorist operating in the area of Negros Island and a victory of the government’s anti-terrorism drive. In coordination with the police, there will be more similar operations here in Negros," matod ni Cariño.

Padayon pa usab ang paggukod sa mga sundawo sa mga kauban sa mga suspek. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph