SUPERBALITA CEBU

Daclan: Juday nagkalisod sab

Ayg Saba

AKTRES ug chef nga si Judy Ann Santos-Agoncillo nagkalisod ug naapektohan sab og maayo sa gi-atubang nga krisis nato karon.

Dili lang kasarangang tawo ang apektado sa pandemic nga nahitabo karon, way gipili ang gi-atubang natong krisis madato man o mapobre.

Usa ini si Judy Ann Santos-Agoncillo nga gawas sa Covid-19 pandemic nag-shut down pa ang network nga gitrabahoan niini.

Mao nga doble nga krisis ang iyang gi-atubang. Tungod niini miangkon si Juday nga nagkalisod sab karon ilang pamilya.

May mga financial challenges silang gi-atubang karon uban sa iyang bana nga si Ryan Agoncillo.

Nagtinabangay silang magtiayon sa pagpangita og kwarta para sa ilang kinabuhian ug labi na sa ilang tulo ka anak.

Tungod niini nga panghitabo. napagawas niya ang uban pa niyang talento ug dugang kompyansa sa kaugalingon para sa iyang pamilya.

Nangita kini og mga pamaagi para padayon nga makatambayayong sa iyang bana sa natad sa panginabuhian.

Miangkon si Juday sa usa ka interview nga sa iyang pangedaron karon, hilabi na nga may mga gagmay pa silang anak, nangita sila og pamaagi nga makakwarta para sa ilang pamilya ug pagtabang usab sa katawhan. Syempre gi-enjoy sab nila ang oras karon uban sa ilang anak.

Siya nga nagdako nga ang pag-artista ra ang nahibaw-an nakapangutana sa iyang kaugalingon kon unsa pa ang iyang mahimo.

Si Judy Ann Santos nga sukad pa niadtong bata pa camera na ang gi-atubang, kon dili man taping sa mga teleserye, shooting sa mga pelikula.

Karong panahona daghan siya og nadiskobrehan sa iyang kaugalingon nga nahimo niya karon sa pag-atubang ining pinansyal nga hagit sa iyang kinabuhi.

Gawas sa pagtutok ini sa panginabuhi para sa iyang pamilya nihatag sab siya og pagsuporta sa network nga iyang gi-alagaran sa dugay nang panahon ang ABS-CBN, Ay'g Saba!

* * *

Kon anak na gani ang mahimong hilabtan mogawas gyud ang pagka-natural sa usa ka inahan.

Gani mas isog pa kining mo-atubang sa mga nakig-away ug mopalit pa kinig away para lang sa iyang anak.

Mao nay akong nakita sa Megastar Sharon Cuneta sa dihang gihilabtan ang iyang anak.

Maayo na lang gani kay nag-pinasayloay na sila sa reporter nga si Ronald Carballo.

Karon pa gyud nako nakita kon unsa ka isog ang Sharon Cuneta, kay sa akong pakig-hinabi niya niadtong 80's panahon sa iyang kasikatan, super sweet gyud kaayo ang Sharon.

Pero kalit lang kining nibugwak ang iyang kalagot ug kasuko sa dihang ang iyang anak na ang gipuntirya, mao gyud na ang inahan dili palupig kon anak na ang masamdan, di vah, Ay'g Saba!


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph