SUPERBALITA CEBU

Nalzaro: Kasayuran sa Covid 19 (part 1)

Saksi

DUNA koy nakita nga documentary kabahin sa coronavirus disease (Covid 19). Ininglis tong akong nakita ug ako lang gihubad sa Binisaya. Ug mao ni:

1) Tingali magpakabuhi na kita uban ang Covid-19 sa mosunod nga mga buwan ug katuigan. Dili nato kini ibaliwa ug dili usab kita angayan nga mataranta. Hinuon, magpakabuhi kita uban ning maong kamatuuran.

2) Dili na nato maguba ang coronavirus nga nakasulod na sa mga cell walls. Ang pag-inum og ginalon nga init nga tubig imo ra gihapon kanang ipangihi.

3) Ang paghugas og kamot, pagsul-ob og facemask ug face shield ingon man ang pagdistansiya og duha ka metros sa ubang mga tawo mao ang labing maayong paagi nga pagprotihir sa imong kaugalingon.

4) Kon ugaling walay pasyente sa coronavirus sa imong panimalay, wala na kinahanglana nga imong i-disinfect ang tanang mga butang ug suok sa imong balay.

5) Ang mga package, gas pumps, shopping carts ug ATMs, dili maoy mga paagi nga matakdan ka sa virus. Panghugas lang sa imong mga kamot ug pagpakabuhi sama sa imong naandan.

6) Dili ka matakdan og coronavirus gikan sa pagkaon nga imong gipa-deliver o gipalit gikan sa kan-anan. Ang coronavirus dili motakod pinaagi sa pagkaon sama sa salmonella. Usa kini ka matang sa infection sama sa flu nga mugna sa droplets sa laway. Wala pay mga hitabo nga magpamatuod nga ang coronavirus makatakod pinaagi sa pagkaon.

7) Mahimong mawala ang imong panimaho o sense of smell gumikan sa laing klase sa allergies ug viral infections. Dili kana maoy tukma nga simtomas sa virus ug mahimong dili masinati kon adunay coronavirus.

8) Ang pag-inom og hydroxychloroquine ug Azithromycin dili maayong ideya pagpugong sa coronavirus. Kining maong experimental drugs alang sa virus kinahanglan nga gamiton lamang sa pinili nga mga pasyente sa Covid. Usahay ang maong mga medisina makamugna og mga side effects sama sa pagpitik sa kasing-kasing. (Aduna kini part 2 sa sunod nga gawas).

(bobbygnalzaro@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph