SUPERBALITA CEBU

Barrita: Tuob ug menteryo

233918

Tikdul-tikdol

NAGDALI-DALI ang kagamhanan sa siyudad sa Sugbo sa paghimog usa ka menteryo sa lima ka ektaryang luna didto sa Sitio Katives, Barangay Guba, sa bukirang bahin sa dakbayan tungod kay nagkadaghan ang nangamatay sa coronavirus disease 2019 (Covid-19).

Si Konsehal David Tumulak, chairman sa committee on disaster risk reduction and management, niingon nga gikinahanglan ang menteryo nga pagatawgon og Cebu City Botanical Memorial Garden, tungod kay naghuot na ang public cemeteries sa siyudad.

Ngano man Konsehal Dave nga nahadlok ka man nga nagkadaghan ang nangamatay sa Covid-19? Nagpasabot ba kini nga way epekto ang tuob nga gipasiugdahan ni Konsehal Jerry Guardo?

Tan-awon nato kon unsa ka dinalian ang panginahanglan sa usa ka menteryo nga iya gyud nga kaugalingon sa kagamhanan sa siyudad sa Sugbo. Ang siyudad adunay 15 ka mga menteryo, pribado ug kadtong gipanag-iya sa Simbahang Katoliko.

Hangtod sa Hulyo 8, 260 na ka mga residente sa siyudad ang namatay sa Covid-19. Sa pagdali-dali sa siyudad sa paghimog menteryo, morag mahulagway nato nga gipatong-patong ang mga minatay kay way kalubngan. Wa isulti nga kadaghanan nila gi-cremate ug ang abo masud lang sa lata sa gatas.

Tungod niini ug sa hanap nga hinungdan, mogasto ang siyudad og P30 milyones. Matod ni Tumulak, ang P20 milyones alang sa site development, samtang ang P10 milyones alang sa sweldo sa mga kawani ug pagpa-instalar og kuryente ug tubig. Wa diay silbi ang P2.5 milyones alang sa tuob ni Guardo?

Tungod sa pagdali-dali sa siyudad sa Sugbo sa paghimog menteryo didto sa Guba, gipaputol ang 389 ka punoan sa kahoy nga mahogany, sa way pupananghid sa Department of Environment and Natural Resources (DENR).

Si Dr. Eddie Llamedo, DENR 7 planning and management division chief, niingon nga ang site sa menteryo sa siyudad sud sa Central Cebu Protected Landscape (CCPL). Apan ang siyudad, gawas sa way tree cutting permit, way Protected Area Management Plan (PAMP) ug labaw pang way environmental compliance certificate (ECC).


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph