SUPERBALITA CEBU

Frasco mihatag og P10M nga tabang

NAG-APUD-APOD og sobra sa P10 milyones nga tabang pinansyal si Kongresista Vincent Franco 'Duke' Frasco sa 5th District sa Sugbo ngadto sa transport group ug mga estudyante.

Adunay 1,002 ka mga miyembro sa transport group sa lungsod sa Compostela ang nakadawat og P4 milyones nga tabang pinansiyal niadtong Sabado, Hulyo 11, 2020.

Sa Facebook post ni Frasco, giingon nga sa mga naapektuhan sa sakit nga coronavirus disease 2019 (Covid-19) pandemic, ang sektor sa habalhabal, trisikad, multicab ug mga driver nga V-hire ang apil sa mga nangaapektuhan tungod wala pa kini gitugot nga mobiyahe.

Aron matubag ang mga panginahanglan sa mao nga sektor, ang #TeamFrasco nag-apud-apod sa kapin sa P4 milyones sa 1,002 ka mga drayber.

Sa laing bahin, naghatag usab si Frasco og P30,000 sa principal sa Basak Elementary School sa Compostela alang sa pagpaayo sa photocopier ug pagpa-install sa internet.

Kini isip pagpangandam alang sa “bag-ong normal” sa umaabot nga school year.

Giklaro ni Frasco nga ang cash assistance nga gipanghatag sa komunidad dili gikan sa pondo sa gobyerno apan gikan sa Frasco Foundation.

Samtang, sa lainlaing mga adlaw sa miaging semana, ang #TeamFrasco niapud-apod og P6.3 milyones nga scholarship sa 1,611 ka mga estudyante gikan sa lainlaing mga lungsod sa ikalimang distrito.

Sa Camotes Islands, ang 561 ka mga estudyante gikan sa mga lungsod sa San Francisco, Poro, Pilar ug Tudela nakadawat og P2.3 milyones nga scholarship nga makatabang sa ilang pag-enrol ug uban pang mga panginahanglanon sa eskwelahan.

Adunay 463 ka mga estudyante gikan sa mga lungsod sa Borbon, Sogod, ug Catmon nga nakadawat og P2 milyones nga gigahin alang sa ilang scholarship.

Samtang sa Danao City ug mga lungsod sa Carmen ug Compostela, adunay 587 ka mga estudyante ang nakadawat P2 milyones nga gigahin alang sa ilang scholarship.

Kini subay sa padayon nga pasalig sa #TeamFrasco nga unahon ang edukasyon sa kabataan sa ikalimang distrito. (KFD gikan PR)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph