SUPERBALITA CEBU

Hard lockdown sa 5 ka barangay gilibkas

CEBU. Mga residente sa Sitio Pagatpat, Alaska, Mambaling, Cebu City mireklamo nga wala sila makapreparar human gipatuman ang lockdown sa maong lugar. (SunStar File)

GILIBKAS na sa Inter-Agency Task Force (IATF) 7 ang hard lockdown sa lima ka mga barangay sa dakbayan sa Sugbo, Hulyo 13, 2020.

Si Atty. Ian Kenneth Lucero, pangulo sa Department of the Interior and Local Government (DILG) sa Cebu City nitug-an nga wa nay lockdown sa sityo Zapatera sa Barangay Luz, Villagonzalo sa Barangay Tejero, Alaska sa Barangay Mambaling, Callejon sa Labangon ug usa ka sityo sa Barangay Bacayan nga wa nganli.

Ang paglibkas gituki sa Resolution No. 11 series of 2020 sa Regional IATF 7 nga gipirmahan ni Regioinal Leocadio Trovela isip chairman.

Ang maong mga lugar maoy unang gihugpaan sa Covid-19 sa sayong bahin niadtong Abril ug Mayo.

Si Mayor Edgardo Labella nipaubos sa mao nga mga lugar sa lockdown human gipasar sa National IATF ang resolution no. 41 series of 2020 nga naghatag og gahom sa mayor pagpatuman sa lockdown uban sa pagtugot sa Regional IATF.

Niadtong Hulyo 10, ang RIATF-MEID nakadawat og komunikasyon gikan ni City Administrator Floro Casas Jr., incident commander sa Cebu City Command Center, nga naghangyo sa ilang pagtugot paglibkas sa lockdown sa maong mga barangay.

Si Marlou Salazar, regional director sa Office of the Civil Defense 7, niduso og motion ug kini gisegundahan ni Assistant Secretary Asteria Caberte sa Department of Trade and Industry (DTI).

Si Labella, sa iyang bahin, nipahimangno sa katawhan sa lima ka mga lugar nga gilibkas ang lockdown nga estrikto gihapon nga ipatuman ang mga protocol ug lagda gikan sa IATF sanglit pabilin nga anaa sa enhanced community quarantine (ECQ).

Makagawas ang mga tawo nga naa sa maong mga dapit kon aduna silay quarantine pass nga giisyo gikan sa Siyudad sa adlaw nga gitugot para kanila para pagpalit sa essential goods.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph