SUPERBALITA DAVAO

P35,000 nga balor sa shabu sakmit

File photo.

DAVAO DEL SUR -- Mokantidad sa P35,360 ang nasakmit nga iligal nga drugas sa hiniusang operasyon sa Philippine Drug Enforcement Agency (PDEA) ug ubang ahensiya sa kapulisan sa probinsiya.

Sa taho gikan sa Bansalan Municipal Police Station, usa sab ka suspek ang nalit-ag alas 3:40 sa hapon, Dominggo, didto sa Purok Marang, Barangay Kinuskusan sa lungsod.

Si Major Peter Glenn Ipong, hepe sa Bansalan Municipal Police Station, nag-ila sa dinakpan nga mao si Marshadam Amba Maddie alyas Jepoy, 27, ulitawo, drayber og trisikel ug molupyo sa Purok 5, Barangay Bagua, sa Cotabato City.

Nakuha gikan sa posisyon sa suspek ang unom ka managlahing pakite sa gituohang druga nga mitimbang og 5.21 gramos.

Apil sa nakumpiska sa mga awtoridad gikan sa posisyon ni Maddie ang marked money nga P500 ug usa kalibre .38 rebolber nga giundan og upat ka buhing bala.

Gihikay na sa kapulisan ang kasong pagpalas sa Republic Act 9165 kun Comprehensive Dangerous Drugs Act of 2002. (OBD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph