ANG Bureau of Fire Protection (BFP) 7 mopadala og 40 ka mga trained personnel para mopalapad sa contact tracing team sa Dakbayan sa Sugbo.
Kini ang gipahibawo ni Assistant Secretary Alexander Macario sa Department of the Interior and Local Government (DILG).
Matod ni Macario nga pasiuna lang kini kay mopadala pa og dugang personnel ang BFP sa hinapos sa Hulyo.
“Initially, may available na 40 personnel from Bureau of Fire Protection (BFP) 7. And we are expecting more at the end of this month. I have just talked with the chief of the Bureau of Fire na si General Jose Embang Jr. . And he will be sending more to augment the contact tracing team in Cebu City,” padayag ni Macario.
Ang 40 ka mga personnel sa BFP maoy dugang sa 130 ka contact tracing teams sa Cebu City Government para sa coronavirus disease (Covid-19).
Sa session sa Konseho sa Dakbayan sa Sugbo sa miaging semana, si retired Major General Melquiades Feliciano nibutyag nga duna nay 130 ka contact tracing teams nga naumol human sa training nga gipangulohan ni Baguio City Mayor Benjamin Magalong.
GIAWHAG
Si Police Regional Office (PRO) 7 Regional Director Police Brigadier General Albert Ignatius Ferro niawhag sa 64 ka mga pulis nga negatibo na sa coronavirus disease (Covid-19) sa pagsalmot sa contact tracing team.
Ang mao nga mga pulis gikan sa Cremdec sa bukirang bahin sa Dakbayan sa Sugbo diin sila gi-isolate.
Matod ni Ferro nga isip kanhi mga pasyente sa Covid-19, nakasabot sila sa sitwasyon.
“Akong hangyuon ang akong mga kauban diha nga 64-strong mag volunteer mo as part of the contact tracer because you have all the ingredient of to be a good contact tracer. It would explain to them what is it to be a Covid positive. You know the issues and concern and you could convince them to tell us everything so that we could prevent further spread of the disease,” matod ni Ferro. (PAC, AYB)