SUPERBALITA CEBU

Nalzaro: Kasayuran sa Covid 19 (part 2)

Saksi

SUMPAY kini sa atong lindog niadtong Dominggo kabahin sa pipila ka mga kasayuran sa coronavirus disease (Covid-19). Ako kining nakuha gikan sa usa ka Eninglis nga documentary ug akong gihubad sa Binisaya.

9) Sa imong pagpauli sa balay, dili na kinahanglan nga mag-ilis dayon o maligo. Ang pagpanglimpiyo maayo, apan ang pagkalisang dili. Dili nato hadlukon ang mga tawo. Ang labing dako natong ginansiya mao ang pagpanghugas sa atong mga kamot ug pagdistansiya og unom ka tiil gikan sa ubang mga tawo, ang paglikay sa mga tapoktapok ug pagsul-ob og facemask

10) Ang coronavirus dili magdugay sa hangin. Usa ka matang sa respiratory droplet infection nga nagkinahanglan og duol nga contact. (Apan karong bag-o, ang World Health Organization (WHO) nagnakayon na usab nga airborne ang coronavirus nga moestar sa hangin sulod sa pipila ka minutos. Apan ang DOH wala pa dayon mosanong niini).

11) Ang hangin limpiyo. Mahimo kang makalakaw-lakaw sa garden ug kanunay modistansiya sa uban diha sa mga parks and grounds.

12) Igo na ang paggamit og ordinaryong sabon ug dili anti-bacterial soap. Usa kini ka virus ug dili bacteria.

13) Ayaw kabalaka sa imong order nga pagkaon. Apan kon gusto ka, mahimo nimo kining initon sa microwave.

14) Ang tsansa nga makadala ka og virus sa balay pinaagi sa imong sapatos sama ra nga ikaw maigo og kilat kaduha sa usa ka adlaw. Ang droplet infections dili motakod sa maong paagi.

15) Dili ka maprotektahan sa virus pinaagi sa pag-inum og suka ug luy-a alang sa pagpalig-on sa imong immune system ug dili tambal sa virus.

16) Ang pagsul-ob og mask sa dugay nga panahon makaapekto sa imong pagginhawa ug sa gikinahanglan nga oxygen sa imong lawas. Gamita lang ang mask kon naa ka sa lugar nga daghang tawo.

17) Ang pagsul-ob og face shield mas maayo kay sa pagsul-ob og mask. Maprotiktahan ang imong mga mata og mas sayon ang imong pagginhawa.

18) Ang pagsul-ob og gloves dili sab maayong ideya. Mahimong magtapok ang virus sa gloves ug daling makatag kon mohikap ka sa imong nawong. Mas maayo pang kanunay manghugas sa imong mga kamot. (bobbygnalzaro@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph