SUPERBALITA CEBU

Editoryal: Gidonar na lang

Editorial Cartoon by Ariel Itumay

NAISYU na ang tuob kits nga unang gitaho nga gipamalit sa tag P2,500 matag usa apan karon gidonar na diay sa supplier.

Kinsa unta diay ang nagpasiugda sa pagpamalit sa 1,000 ka tuob kits nga gastuhan unta og P2.5 million sa Siyudad sa Sugbo nga gipang-apod-apod na sa barangay isolation centers? Sila si Mayor Edgardo Labella ug Bise Mayor Michael Rama puro wa masayod.

Nganong mamalit man og tuob kits nga mahimo ra man ni bisan unsay gamiton sa tawo nga gusto magtuob? Naa ra sa balay ang naandang mga gamit sa tuob. Epektibo ba ang tuob? Nipahimangno na baya ang Department of Health (DOH) nga ang tuob kuyaw nga mopakatap na hinuon sa Sars-CoV-2, kagaw nga nagdala sa coronavirus disease (Covid-19).

Duna may namatud-ang mas epektibo sa pagkombate sa bisan unsa nga sakit nga mao ang pagpalig-on sa immune system. Kini pinaagi sa mga bitamina ug ehersisyo. Sa asymptomatic nga mga pasyente, makaayo pa ang pagdasig kanila sa pag-ehersisyo matag buntag sulod sa BIC ug paimnon sila og multivitamins.

Daghan ang nakugang sa pagtumaw sa taho kalabot sa pagpamalit sa tuob kits sa tag P2,500 ang kada set. Kinsa may di ma-shock nga wa may taho kon duna bay nahitabo nga bidding nga maoy naandan sa pagpamalit sa kagamhanan? Bisan si Rama niingon nga wa siya mahinumdom nga dunay budget nga gipalabang ang Konseho kalabot sa pagpamalit.

Sa miaging semana pa ang mao nga isyu, apan gawas kang Labella, hilom ang ubang mga opisyal sa executive department kalabot niini. Naabtan pa og Lunes, Hulyo 13, ang pagpatin-aw kalabot niini.

Wa pa diay mapahigayon ang bidding, apan duna nay kits nga gitaho nga gipang-apod-apod sa isolation centers. Kon wa pa kaha mahibaw-i ug makontrobersyal, madonar kaha ang kits nga ang unang gitaho gipalit kini sa tag P2,500 matag set?


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph