WA nay kinabuhi nga napalgan ang usa ka biyudo sud sa iyang lawak human gihunos niini ang iyang kaugalingong kinabuhi pinaagi sa paghikog didto sa dakbayan sa Digos.
Mga alas 11:45 sa gabii, Lunes, nakurat ang mga kapamilya ni Norberto De Asis, 52, human siya napalgan nga nagbitay sa kisame sulod sa iyang lawak sa Barangay Dawis sa lugar.
Si Chief Inspector Anthony Padua, City Police Director, nikanayon nga nigamit ang biktima og kapin kun kulang usa ka metros nga nylon rope ug gihiktan niini ang iyang liog samtang ang pikas tumoy gihikot sab sa kahoy sa kisame.
Sigun sa inisyal imbestigasyon sa kapulisan, desperado na ang biktima sa iyang kinabuhi tungod matod pa aduna kini gihambin nga balatian.
Gidala na lang ang patay'ng lawas sa biktima didto sa Angel Funeral Homes apan nagpadayon ang kapulisan sa ilang pagsubay sa kaso aron masuta nga way "foul play" nga nahitabo sa kamatayon niini. (Dondon Dinoy)