Panimalay sa Cebu no.1 triathlete naugdaw

UGDAW: Wala’y natilok nga mga butang sa balay ni Cebu no.1 triathlete Andrew Kim Remolino human kini naugdaw sa sunod nga miigo sa Brgy. Cansojong, Talisay City, Cebu niadtong Hulyo 12, 2020. Naapil pagkasunod ang silver medal ni Romolino sa SEA Games. /Tampo
UGDAW: Wala’y natilok nga mga butang sa balay ni Cebu no.1 triathlete Andrew Kim Remolino human kini naugdaw sa sunod nga miigo sa Brgy. Cansojong, Talisay City, Cebu niadtong Hulyo 12, 2020. Naapil pagkasunod ang silver medal ni Romolino sa SEA Games. /Tampo

NAAPIL pagkaugdaw ang balay sa pamilya ni Southeast Asian (SEA) Games silver medalist ug national team member Andrew Remolino sa sunog niadtong Dominggo, Hulyo 12, 2020, sa Brgy. Cansojong, Talisay City, Cebu.

Nasunog hasta ang mga medalya ug bisikleta ni Remolino, ang pambato sa nasod sa natad sa triathlon kinsa nakakulit og silver medal sa niaging 2019 SEA Games sa Subic Bay.

Ang pangihatabo nakadugang sa problema karon sa atleta kinsa wala pa makabalik og duwa tungod sa epekto sa pandemya sa sports.

Bisan pa man nahurot kasunog iyang mga gamit ang 19-anyos nagpabiling mala-umon nga makabangon niining hagit sa kinabuhi.

“Wala lagi mi nadala hurot tanan butang, ang light gadgets ra gud ang nadala kay naa mi kuyog mga senior (citizen) diri sa balay,” sigon ni Remolino sa Superbalita Cebu.

“Ang sunog nahitabo mga ala uno sa hapon.”

Matod ni Roland Remolino, ang amahan ni Kim ug national coach usab sa triathlon, nga grabe kasakit ang nahitabo apan ang importante kaniya nga luwas ug kompleto ang iyang pamilya.

“Sakit pero kayahon nato ni kay life must go on,” matod niya. “Makaya rani naa pamay Ginoo mag tan-aw.”

Naa karon gapuyo ang ilang pamilya sa ilang ugangan sa Poblacion, Talisay City. Wala pasagdi si Kim sa triathlon community kay niabot ang tabang ug gisugdan dayon ang fund-raising alang sa iyang pamilya.

“Daghan ra pud ang ni-reach out namo. Okey lang pud mi diri,” saysay ni Andrew Kim.

Usa sa mga nagpadangat sa ilang tabang mao ang team ni Andrew Kim nga Go for Gold, Talisay Luigi Triathlon Group (TLTG) ug ubang mga grupo nga anaa sa triathlon community.

Ang big-boss sa Go For Gold nga si Jeremy Go ug Philippine Olympic Committee and PhilCycling president Abraham “Bambol” Tolentino mipasalig og tabang sa Sugbuanong atleta.

Si Go magbuhat og auction para makatigom og pundo para sa pamilyang Remolino samtang si Tolentino miingon nga mohatag ang POC ug P50,000 ug laing P50,000 gikan kaniya.

Si Triathlon Association of the Philippines (Trap) president Tom Carrasco misaad usab og tabang kauban ang mga triathlon community.

Naapil pagkasunog ang SEA Games silver medal ni Andrew Kim. Hinuon gisaaran si Andrew Kim nga hatagan siya’g ihulip nga medalya.

Sa gusto pang motabang, pwede makontak si Andrew Kim pinaagi sa Facebook.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph