SUPERBALITA DAVAO

Dura: Anti-Terror Law ug ABS-CBN (Katapusang gula)

Ratsada

SUBAY sa atong gisaad sa miaging semana, atong tapuson ang posisyon sa National Union of People's Lawyers (NUPL) ug Union of People's Lawyers in Mindanao (UPLM) kontra Republic Act 11479 kun Anti-Terrorism Act of 2020 nga wa nahuman sa una natong patik dinhi.

Human nato mapresenta kini, atong hisgutan ang gidangatan sa mga empleyado sa ABS-CBN nga wa tugoti sa mga Kongresista nga makabaton og bag-ong prankisa sa miaging semana. Ania ang ilang posisyon nga ang maong balaod makadaot tungod:

13. Ang imong mga tawag, mensahe ug mga gipatik sa social media mahimong paminawon o basahon ug bantayan.

14. Kay ang imong mga rekord sa bangko mahimong sudlon ug usisahon.

15. Ang mga hukmanan mahimo dayon nga magmarka sa imong organisasyon isip terorista bisan walay pagdungog.

16. Mahimo kang isipon dayon nga terorista kung ang imong grupo gitudlo nga kuno terorista.

17. Mga OFWs ug mga migrante mahimong manubag bisan kung tua sa gawas sa nasud.

18. Supak kini sa Konstitusyon ug internasyonal nga mga balaod ug sumbanan sa atong mga katungod.

19. Kay ang mga silot alang sa pag-abuso sa maong balaod mas gaan kaayo kay sa silot alang sa giingong mga binuhatan sa terorismo nga ang pinakataas mao ang tibuok kinabuhi nga pagkabilanggo.

20. Supak kini sa Konstitusyon ug internasyonal nga mga balaod ug sumbanan sa atong mga katungod.

Sanglit duna nay giduso nga petisyon sa Korte Suprema, ato lamang hulaton ang hukom sa mga mahistrado aron matubag ang panaghap nga ang balaod wa nahisubay sa Konstitusyon.

Balik kita sa isyu sa ABS-CBN, daghan sa akong nailhan ang nalipay nga nawad-an og prankisa ang maong kampanya.

Sa laktod, nalipay sila nga libuan sa mga empleyado ang nawad-an og trabaho karon taliwala sa grabeng kalisud tungod sa Covid-19.

Kadaghanan kanila nituo sa pahayag sa mga kongresista nga daghan kaayo og kalapasan ang kompanya, bisan pa man nga gisaysay sa mga opisyales sa tanang ahensya sa gobyerno nga walay natala nga reklamo sa ilang buhatan batok sa kompanya.

Sa nahitabo nga hearing sa Kongreso, ang ABS-CBN maoy giakusahan, apan pakyas ang mga Kongresista sa pagpresenta og mga ebidensya. Apan tungod kay nagtuo pa gihapon ako sa prinsipyo sa "majority rule," nan, akong girespeto ang ilang hukom.

Pero, sa laing bahin, mas labaw akong nirespeto sa akong mga kaubanan sa buhat nga nawad-an og trabaho tungod sa mapanimaslon nga mga politiko nga miboto di subay sa konsensya, apan tungod sa kagustohan sa partido.

Mao kini ang hinungdan nga gatusan ka mga journalists sa tibuok nasud ang nagkondena sa ilang gihimo.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph