SUPERBALITA DAVAO

Natakdan sa nilayas nga pasyente

SunStar File

DAVAO DE ORO -- Ang pagkagahi sa ulo sa pasyente nga migawas gikan sa Barangay Isolation Unit (BIU) bisa'g walay pagtugot sa mga personahe sa Barangay Health Emergency Response Team (BHERT) maoy hinungdan sa pinakaunang kaso sa local transmission sa Monkayo.

Si Renie Quadalquever, administrative officer sa LGU-Monkayo nga nahinabi sa Superbalita Davao Martes sa hapon, nagkanayon nga ang pasyente gikan sa Cebu ug gi-quarantine sugod niadtong katapusang semana sa Hunyo.

Natapos ang iyang 14-day quarantine niadtong Huwebes, Hulyo 9, 2020.

Apan nipugos siya og pauli sa ilang balay nga way pagtugot sa maong adlaw bisan og wala pa masayri ang resulta sa iyang swab test.

Nianang Biyernes, Hulyo 10, nigawas ang resulta ug nakompirma nga positibo siya sa kagaw.

Sa dihang nasubay, nasayran nga nag-positibo na ang pag-umangkon sa pasyente kinsa maoy tigdala kaniya og pagkaon sa BIU.

Sa pagkakaron, ang pasyente ug ang iyang pag-umangkon gisulod na sa Davao De Oro Provincial Hospital sa Montevista.

Samtang gihatud sab ang inahan sa pasyente ngadto sa Municipal Isolation Unit sa Monkayo apan negatibo kini sa kagaw.

Sumala pa nga matawag nga local transmission ang kaso kung natakdan ang indibiduwal pinaagi sa lokal nga gigikanan ug ang maong indibiduwal way history sa pagbiyahe gikan sa mga dapit nga gikonsiderang high risk area.

Gibutyag ni Mayor Ramil Gentugaya nga ang pasyente nga nag-positibo dunay close contact sa kompirmadong pasyente sa Covid-19.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph