SUPERBALITA CEBU

Modakop og way mask, magpakita’g ebidensya

ALANG sa mga Oponganon nga motaho ug moaresto og mga tawo nga wala mag mask, angay magbantay kon ugaling walay kamatuoran ang imong pasangil.

Kay adunay nagtangag nga penalty o silot alang sa usa ka tawo nga magpataka lang og pasangil ug dakop ubos sa ordinansa nga gipanday sa konseho sa dakbayan.

Kinahanglan usab nga dunay ebidensya ang modakop, sama sa pagkuha og video o hulagway.

Mao kini ang gibutyag ni Konsehal Flaviano Hiyas, majority floor leader sa konseho sa dakbayan.

Matod ni Hiyas nga gituyo nila aron kalikayan ang posibilidad nga sakyan sa mga nagdumtanay o mga kontra o nag-away.

Pinaagi usab niini, malikayan ang katuyoan sa uban nga manakop alang lang sa kwarta o ganti.

Ang multa sa usa ka indibidwal nga masakpang magpataka og sumbong sa kapulisan o ba kaha manakop ug laing indibidwal nga walay kamatuoran moabot og P1,000 sa first offense; P2,000 alang sa 2nd offense ug P3,000 alang sa 3rd offense ug mosunod nga salaod.

Kon di makabayad, mag-atubang kini og silot nga pagkabilanggo og 10 ka adlaw sa 1st offense; 15 ka adlaw sa 2nd offense; ug 50 ka adlaw sa 3rd offense ug mosunod pa nga salaod.

Ang mga silot mao usay basehan sa masakpang dili mag-mask, sumala pa ni Hiyas.

Giklaro lang ni Hiyas nga kon ugaling adunay usa ka indibidwal nga mosumbong sa awtoridad o ba kaha manakop og indibidwal nga wala mag-mask, kinahanglan nga adunay ikapamatuod nga video o picture sa gidakop nga siya wa mag mask.

Gipanday pa, sumala sa konsehal, kon pila ka adlaw o oras ang validity sa usa ka video o hulagway nga mahimo nga madakop sa wa pag-mask sa usa ka tawo.

Ila kining tukion sa umaabot nga regular session sa konseho sa Huwebes, Hulyo 16.

“Kon pananglitan inig adto sa pulis nag mask na, so how do you prove nga wala ni siya mag-mask? Kinahanglan ka’g video o picture unya kanang video nga nakuha nakabutang man gud diri sa atoang provision nga a citizen’s arrest shall be valid only when done immediately so ang offense committed nga wala ka mag mask must also be done immediately unya ug ang video gahapon pa unya giaresto ka the following day so maoy amo tarongon pa,” matod ni Hiyas. (GCM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph