SUPERBALITA CEBU

Cebu City giuwan og mga hinabang

HINABANG NAG-ABOT: Mokabat ngadto sa P2 milyones ang donasyon nga gitunol ni Senador Sherwin Gatchalian ngadto sa Cebu City government kagahapon, Hulyo 14, atol sa iyang pagduaw sa City Hall. Bugas, de lata, surgical mask ug uban pa gikan sa personal nga panudlanan sa senador. Laing hinabang ang gihatod usab gikan ni Senador Bong Go ug gikan sa House of Representatives, gawas sa basic goods adunay protective gear ug laptops nga magamit sa frontliners. (Amper Campaña)

NAG-ABOT-ABOT ang mga hinabang nga nadawat sa Cebu City Government nga magamit sa mga Sugboanon panahon niining kalisod ingon man mga gamit alang sa mga frontliner sa pagpakigbatok sa Covid-19.

Si Senador Sherwin Gatchalian nga miduaw sa siyudad para itunol ang kapin P2 milyones nga balor sa donasyon ngadto ni Cebu City Mayor Edgardo Labella.

Lakip sa donasyon ni Gatchalian ug sa iyang pamilya mao ang 600 ka sakong bugas sa tag- 50 kilos, 20,000 ka de lata, 50,000 packs nga noodles ug 100,000 ka surgical masks.

“Makakaasa ang taong-bayan na patuloy kaming tutulong sa abot ng aming makakaya, sa kahit saan mang sulok ng Pilipinas. Kaisa kami sa laban na ito,” tipik sa pamahayag ni Gatchalian.

Ang pundo nga gigamit sa senador gikan sa iyang kaugalingon nga bulsa ug dili gikan sa iyang buhatan.

Gawas kang Gatchalian, nakadawat usab og ayuda ang City Government gikan sa pribadong panudlanan ni Senator Bong Go.

Si Go mitunol og 300 ka pack meals ug 300 ka hygiene kits alang sa mga pasyente nga naa karon sa Cebu City Quarantine Center ug NOAH Complex.

Laing tabang ang nadawat sa siyudad niadtong Hulyo 13 gikan sa House of Representatives.

Si Deputy Speaker Pablo John Garcia maoy personal nga nihatod isip representante ni House Speaker Allan Peter Cayetano ngadto kang Labella sa 2,000 sets sa PPE, 200 pieces nga non-contact infrared forehead thermometer, 10 units Lenovo laptop, 200 boxes vitamins C, 50 packs sa Ziplock ug P1 milyon nga tseke. (PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph