SUPERBALITA DAVAO

Delos Reyes: Kinsa ang may sala?

Yanong Panglantaw

DUNAY panultihon nga “sayon makita ang sala sa uban, apan lisud ang pagdawat ug pag-angkon sa atong kaugalingon nga sala.”

Gihukman sa Philippine House of Representatives Committee on Legislative Franchises nga putlon sa kahanginan ug dili na hatagan og prankisa ang higanteng network sa television, -- ang ABS-CBN tungod sa daghang kalapasan sa milabay nga mga tuig.

Sa gipahigayon nga mga hearing, giyagyag sa mga magbabalaud ang mga pag abuso sa mga wa magdahum nga sila motiurok gikan sa kapunaw-punawan sa ilang kabantog.

Gani man, ang mga namunoan sa gobyerno moyukbo ug makigsabot nalang kanila kung wala man galing nakig kunsabo sa ilang mga kahiwian.

Luyo sa pagbutyag sa mga magbabalaud sa mga kalapasan nga nahitabo, mapasigarbuhon gihapon sila (ABS-CBN) nga moingon sa katawhan nga wala silay sala.

Gusto lang ni President Rodrigo Duterte nga langkaton ang ilang katungod sa paggamit sa kahanginan sa pagserbisyo sa katawhan. Kinsa man ang may sala?

Matud ni Sagip Partylist Representative Rodante Marcoleta, kapin P2 billion ang buwis sa ABS-CBN nga unta nisulod sa panudlanan sa gobyerno ug nagamit alang sa serbisyo sa katawhan apan tipik lang ang gibayran human nakig negosasyon sa Bureau of Internal Revenue.

Sa tuig 2017, ang GMA-7 nibayad og P1.09 billion sa ilang buwis samtang ang ABS-CBN P421 million! Sa tuig 2018 ang buwis sa GMA-7, P1.08 billion apan ang ABS migamit sa ilang tax credit, gihimong taming ang Big Dipper.

Human sa negosasyon, P152 million lang ang ilang nabayran. Sa gamay nga sipyat ni Juan dela Cruz, sarad-an ang iyang negosyo apan ang binilyon sabut-sabutan lang kung pila ang ihatag sa gobyerno? Wala kuno silay sala kay nibayad na sila'g buwis. Dili sab tinuod ang uban pa nga gipahid kanila.

Duna kunoy 11,000 ka mga trabahante ang mawad-an og trabaho ugaling dili i-renew ang ilang prankisa. Dili tukma ang panahon sa pagsira sa estasyon kay nia ta sa pandemya sa Covid-19. Dugang pa, nagkinahanglan og tukma nga impormasyon ang katawhan.

Wala mi silbi ang pagpatuyok sa ulo sa mga kongresista kay hayag pa sa silaw sa adlaw nga dunay nahitabo nga manipulasyon matud ni Marcoleta panahon sa hearing apan “wa mi nahimong sala” matud sa ABS-CBN.

Alang kang President Digong, iya nang nabungkag ang monopoliya sa mga oligarch sa nasud apan pila pa kaha ang nabilin nga gustong gamhan ang nasud pinaagi sa ilang mga bahandi?

Unsa man ang pangayoan og pasaylo sa ABS-CBN nga wala man silay giangkon nga sala? Kinsa man ang may sala? Unsay mahitabu sa nasud kon wala na si President Digong?


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph