NASUGAKOD ni International Boxing Federation (IBF) super flyweight champion Jerwin Ancajas ang grabe ka lisod nga military training sa gitawag og Special Warfare Group.
Isip tipik sa iyang pagpangandam alang sa umaabot niyang away, si Ancajas miapil sa training sa Naval Special Operations Group (Navsog) sa Philippine Navy.
“Grabe pala ang ginagawa nila. Sobrang hirap, halos napaiyak si Jerwin,” matod sa trainer ni Ancajas nga si Joven Jimenez sa interbyu sa Spin.ph.
“Ngayon niya lang nagawa yung mga ganung exercises kaya nangapa siya nung una. Pero nung kalagitnaan na, okay na siya.”
Si Ancajas (32-1-2, 22 KOs) nakatakdang moaway sa Las Vegas, USA karong Septiyembre.
Niadto ra untang Abril 2020 nakaeskedyul ang away away si Ancajas sa Las Vegas apan nauswag kini tungod sa pandemya. (ESL)