SUPERBALITA CEBU

Grabe, kritikal nga pasyente sa Covid miminos

File photo

NILUAGLUAG na ang kapasidad sa mga tambalanan sa Dakbayan sa Sugbo karon itandi niadtong Hunyo.

Matod ni Department of Health Regional (DOH) 7 Director Jaime Bernadas sa usa ka press conference sa Miyerkules, Hulyo 15, 2020, ang critical care utilization rate sa mga public ug private hospital anaa unta sa 89 porsyento ngadto sa 87% sa bed capacity nga giandam para sa Covid-19 niadtong Hunyo.

Apan sa nakalabay nga duha ka mga semana sa Hulyo, matod pa ni Bernadas, nanaog na kini ngadto sa 72 porsyento dungan sa pagdugang og bed capacity sa mga tambalanan.

“Nag-improve ang atong critical care utilization rate. We used to be on 89%, 87% level nga karon niabot na ta og 72 or even lower, base sa data kahapon (Martes, Hulyo14),” padayag ni Bernadas sa press briefing sa Inter-Agency Task Force (IATF-Visayas) uban kang Cebu City Mayor Edgardo Labella ug Cebu City Councilor Joel Garganera, deputy chief implementer sa Inter-Agency Task Force (IATF) Emergency Operations Center (EOC) sa Cebu City.

Ang IATF nitudlo kang Garganera sa bag-o niyang tahas. Si Garganera di pa dugay naayo sa coronavirus disease (Covid-19).

Si Bernadas niawhag sa mga ospital nga mogahin og 30 porsyento sa ilang bed capacity.

“Ang atong mga hospital motubag pinaagi sa pag-expand tungod sa nagkataas nga mga symptomatic cases tungod kay nagkataas usab ang critical cases sa June,” matod ni Bernadas.

Nalipay usab siya nga daghan pang bakante sa mga isolation ward sa mga ospital. “Daghan pa kaayo og bakante,” nagkanayon si Bernadas.

Iyang gibutyag nga ang isolation nagamit kaniadto naabot og 62 porsyento ngadto sa 58 samtang ang paggamit sa ventilators mi-us-us sa 25 ngadto sa 21 porsyento.

Iyang gipahibawo nga ang DOH ug Cebu City Government ubos sa lideraro ni Labella nagtinabangay para malimitahan ang epekto sa Covid. (PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph