GIKLARO ni Commissioner Willie Marcial nga dili pasudlan og mga tumatan-aw ang pagbalik sa practice sessions sa teams sa Philippine Basketball Association (PBA) gumikan sa padayong hulga sa coronavirus disease 2019 (Covid-19).
Sukwahi kini kaniadto nga tugtan sa PBA nga makatan-aw ang fans sa mga praktis sa teams ug hasta ang pagpakuha og mga hulagway ug pagpapirma og autographs sa mga magduduwa. Apan ning higayuna, dili na kini puwede.
“Sorry po sa mga fans. Kahit sa mga media. Hindi kayo pwedeng pumunta sa practices. Talagang hindi pwede, as of now. Sana maintindihan po niyo na bawal na muna.” Ang PBA gitugtan na sa Inter-Agency Task Force (IATF) ug Games and Amusements Board (GAB) nga makapahigayon pagbalik og praktis. (ESL)