SA NAGPADAYONG hulga sa coronavirus disease sa nagkadaiyang bahin sa kalibutan ug wa pay tambal o epektibo nga solusyon, aron nga hingpit mawala ang maong virus sa tuyo nga mabalik sa naandam ang kinabuhi.
Mosugot ta o sa dili ang Covid-19 kuyog na nato, anaa ra sa palibot nga nagpaabot og kahigayonan nga makabiktima og laing pasyente, pamahayag ni Shigeru Oo, Japanese government committee chairman.
Busa, gikinahanglan nga motuman ang publiko sa mga health o safety protocol aron nga dili mataptan kay napanglantawan nga usa kini ka “long term war.”
Ang nasud sa Japan nakakita og pamaagi aron nga pagdayon ang pagpakabuhi taliwala sa pandemic, pinaagi sa ilang “new life model” sa tinguha nga maminusan ang risgo nga matakdan sa virus ug mamahimo sab kining sumbanan sa uban.
3 KA PUNTO
Sama sa health protocol nga gipatuman sa ubang nasud ang tulo ka basic points nga naglakip sa pagsul-ob og mask, distansiya sa laing tawo ug ang kanunayng pagpanghugas sa kamot, maoy nag-una nga paagi aron makalikay sa sakit.
ANGAYNG BUHATON
Sa maong “new life model” adunay pahinumduman ngadto sa kinabag-an sa specific requirements alang sa mas epektibo nga paagi.
Gikihanglang duha ka metros nga distansiya sa laing tawo, paghimo og kalihokan sa gawas sama sa ehersisyo o pagduwa-duwa, likayan ang pakig-istorya nga duol ug nag-atubangay, sa pagpauli gikihanglan maligo o hilam-os og mag-ilis sa limpyo nga sinina.
Kon nakahikap og mga butang manghugas gilayon sa kamot, mas bintaha na ang online shopping apan kon gikinahanglan mag-grocery ngadto sa minus ang gidaghanon sa shoppers, likayi ang paghikap hikap sa mga baligya, likayi sab ang pakig-istorya sud sa publikong sakyanan.
Kon mamahimo magbaktas kon duol ra o magbisikleta sa dapit nga adunay tuyo, uso na ang paggamit sa electronic business cards ug video conference sa mga meeting.
Kinahanglan sab nga kon physical meeting kontrolado ang gidaghanon sa tawo, ablihi ang mga bintana ug himoa nang kabahin sa accessory ang pagsul-ob og mask.
TRAVEL
Dili pa karon haom alang sa pagbiyahe ngadto sa laing nasud busa kon mahimo di moduaw sa mga nasud nga adunay taas nga kaso sa Covid-19, likayi sab ang pagduaw sa mga paryente ug gikinahanglan nga kontrolado ang business trips.
Gawas nga dili pa masiguro nga luwas sa virus ang dapit, grabe sab karon ang kakuti sa mga proseso sa mga pangayuon nga requirements ngadto sa mga biyahero.
Dugang pa ni Shigeru Oo nga molanat pa og kapin sa usa ka tuig una adunay bakuna kontra Covid.
“Only by following the new rules of life can we live in peace with the corona virus for a long time,” dason sa maong opisyal.