Barrita: Hugas sa mga kamot

GI-DOWNGRADE ang quarantine status sa Cebu City gikan sa enhanced community quarantine (MECQ) sugod sa Hulyo 16 hangtod sa Hulyo 31, sumala pa ni Presidential Spokesman Harry Roque. Bugtong ang Cebu City ra ang ubos sa MECQ sa lukop nasod.

Pero ubos sa MECQ, higpit gihapon nga ipatuman ang social distancing, ang pagsul-ob sa face mask sa publiko ug ang wa kinahanglana nga paggawas sa balay. Giawhag gihapon ang mga tawo sa paghugas sa mga kamot nga giilang epektibo sa pagkontrolar sa pagkatap sa coronavirus disease (Covid-19).

Ning bag-o lang, napamatud-an nga epektibo usab ang paghugas sa mga kamot aron makalikay sa kontrobersyal nga tuob kits.

* * *

Tan-awa lang. Si Mayor Edgardo Labella nanghunaw sa kalabotan sa giingong pagpalit sa 1,000 ka “tuob kits” nga tag P2,500 ang usa ug sa kinatibuk-ang kantidad nga P2.5 milyones. Wa siya mopirma og purchase order ug di siya mosugot nga bayran kini, matod pa ni Labella.

Si Vice Mayor Mike Rama niingon nga wa siyang kahinumdom nga nipasar ang konseho og resolusyon alang sa pagpalit sa tuob kits. Ang promoter sa tuob, si Councilor Jerry Guardo, nanghunaw sab sa isyu sa tuob kits. Sa unahan, niingon siyang pila ra man gud nang P2,500 kon ikomparar sa kinabuhi nga masalbar.

Matod pa ni Guardo nga siya ug si Councilor Nestor Archival igo lang nipasaka og usa ka resolusyon nga giaprobahan niadtong Mayo 11 nga nag-awhag sa mayor nga estudyohan ang benepisyo sa tuob nunot sa pagsaka sa mga kaso sa Covid-19 sa siyudad.

* * *

Gamay ra unta ning isyu sa tuob kits. Apan wa kapugnging nidako, labi na nga gipistahan hasta sa media sa kaulohan. Sa kanta pa nga Tinagalog, “Maliit na butas lumalaki.”

Apan sumala sa mga drama sa radyo, ang matag suliran adunay kasulbaran. Kon way kasulbaran, di na suliran. Ug dunay gyuy “bright boy” nga mogawas ug mohatag sa kasulbaran. Mao kini si City Legal Officer Rey Gealon, ang tigpamaba sa City Hall.

Matod pa ni Atty. Gealon, gidonar ra sa usa ka supplier nga wa niya hinganli ang maong mga tuob kits. Wa makapirma ang mayor og purchase order. Period na ang isyu sa tuob kits. Salamat na lang sa donasyon.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph