KIDAPAWAN CITY -- Imbis nga sa quarantine facility mag-estar, prisohan ang gitugpahan sa usa ka langyaw human magmaoy alas 7:00 sa gabii, Huwebes, Hulyo 16, sa siyudad.
Giila ang suspek nga si Gonzales de Langarica Moriño, 74, minyo, taga-Barcelona, Spain, ug temporaryo nga nagpuyo sa Quirino Drive, Barangay Poblacion sa nahisgutang dakbayan.
Sumala kang Kidapawan City Chief of Police Lieutenant Colonel Rammel Hojilla nga nakadawat sila og tawag sa telepono nga usa ka langyaw nga naka-quarantine sa Apo Summit Isolation facility ang nag-wild.
Sumala pa nga gipangbuak sa langyaw ang mga butang sulod sa pasilidad ug gilabay ang telebisyon.
Nasayran nga pito na ka adlaw nga naka-quarantine si Moriño apan nag-wild, hinungdan nga gikuha siya sa mga pulis ug gipadlak sa prisohan.
Mokabat sa P20 mil ang nahimong damyos sa pag-wild sa langyaw.
Gitakda nang pasakaan og kaso sa kapulisan ang langway tungod sa iyang gibuhat.
Samtang giplano sab sa kapulisan nga makig-alayon sa Bureau of Immigration sa pagpa-deport sa langyaw.