Teen Romance: Let the memory live again

Teen Romance: Let the memory live again

(Katapusan sa pito ka mga gula)

Nindot kaayog smile si Mama sa pagbalik ko nag sulod sa among balay. Diha siya sa sala. Mora kog nauwaw niya. Iya kong gipalingkod sa taas nga sopa ug unya mitapad siyag lingkod nako.

“Now you know, Aylen, kon unsa gyud ang tinuod mong gibati ngadto kang Andro.”

Migakos ko kang Mama. Iyang gihapuhap ang akong buku-buko kay mihilak man ko.

“Nahadlok ko nga pasakitan niyag usab, Ma.”

“C’mon, Aylen. Sa akong nakita karon ni Andro, sa iyang pagpasinguwan, klaro nga tinud-anay ang iyang pagbasol sa iyang gibuhat nimo. Kinasingkasing niyang gipakita nimo ang pagpangayo niyag pasaylo nimo. Give him another chance.”

“Second around? Unya, di kaha siya mobiya na sab nako, Ma?”

Wa motubag si Mama. Apan sa iyang pinahiyoman nako, nasabtan ko nga di na ko angay mabalaka kang Andro. Miginhawa ko pag-ayo. Unya mi-smile sab ko kang Mama.

“That’s my girl.”

Unya gikusu-kuso ni Mama ang akong buhok. Ingon gyud siya ani nako, iyang ipabatyag ang iyang pagmahal nako pinaagi sa iyang pagkusu-kuso sa akong buhok sa iyang palad.

Usa ka gabii nga namisita si Eduard nako, wa ko na itago niya ang tanan. Gitug-anan ko siya sa tanan.

“You mean, si Andro lang gihapon ang imong love, Aylen?”

Mitando ko.

“i’m sorry, Eduard. But friend lang gihapon ta. Makita mo ra ang girl nga para gyud nimo.”

Klaro nga naguol gyud si Eduard sa akong desisyon apan iyang gidawat ang mao niyang kapakyasan. Nanghinaot siya sa among kalipay ni Andro. Mitawag sab si Yanna nako pagka ugma ug misuportar siya sa akong desisyon.

Dihang nagtindug-tindog si Andro sa gawas sa among gate usa ka hapon ana, giduol ko siya. Baga ang dag-om sa langit.

Human ko ablihi ang gate, gikuptan ko ang iyang kamot.

“Ari sa sulod kay basin mouwan ug mabasa ka na sab.”

Unya, giagbayan ko ni Andro samtang nanulod mi sa sala. Parehas ming malipayon. (KATAPUSAN)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph